स्नेहसंमेलन:स्नेहसंमेलन विद्यार्थ्यांच्या कला गुणांना वाव‎ देणारे व्यासपीठ ‎: ठाणेदार काळे‎

शालेय शिक्षण घेताना विद्यार्थ्यांच्या अंगी‎ उपजत कलागुण असतात. त्याचे सादरीकरण‎ करण्यासाठी स्नेहसंमेलन उत्तर व्यासपीठ आहे. वर्षभर‎ चिमुकल्या वयात ज्ञानार्जन करताना विद्यार्थी अशा‎ कार्यक्रमांची वाट बघत असतात. त्यामुळे स्नेहसंमेलन‎ खरोखर त्यांच्या कलागुणांना वाव देणारे व्यासपीठ‎ असल्याचे मत ठाणेदार नंदकिशोर काळे यांनी व्यक्त‎ केले.

लालाजी विद्यानिकेतनवर आयोजित मुक्तछंद‎ स्नेह संमेलनात अध्यक्षपदावरून काळे बोलत‎ होते.यावेळी प्रमुख पाहुणे म्हणून सरपंच सुमन जगताप,‎ पुजा गुप्त, विश्वनाथ आप्पा जितकर, अशोक पाटील,‎ प्राचार्य गौरव शेटे, ज्योत्स्ना गुप्त उपस्थित होते.‎ कार्यक्रमाचे प्रास्ताविकात प्रिती सुरूशे यांनी मुक्तछंद‎ स्नेहसंमेलनाच्या माध्यमातून विद्यार्थ्यांमधला कलाकार‎ समोर यावा असा हेतू असून स्नेहसंमेलनाने विद्यार्थ्यांना‎ नवी उर्जा मिळते असे त्या म्हणाल्या. कार्यक्रमाचे‎ सूत्रसंचालन रेणुका देशपांडे, श्रीकृष्ण पाटील यांनी तर‎ आभार प्रदर्शन विद्या चेके यांनी केले.‎

शेगाव एम्पॉवर फिजियोथेरपी क्लिनिकच्या वतीने‎ येत्या ७ फेब्रुवारी रोजी शहरात मोफत फिजियोथेरपी व‎ आरोग्य तपासणी शिबिराचे आयोजन करण्यात आले‎ आहे. शिवनेरी चौकातील डॉ. राजेश सराफ‎ हॉस्पिटलच्या कंपाउंड मधील एम्पॉवर फिजियोथेरपी‎ क्लिनिक येथे आयोजित या शिबिरात मानदुखी,‎ कंबरदुखी, सांधेदुखी, गुडघेदुखी, वात, संधीवात,‎ लकवा, चेहऱ्याचा लकवा, सांधे बदलानंतरचे‎ व्यायाम, फिजियोथेरपी मशीन आणी ड्राईकपिंग द्वारे‎ होणार आहेत तसेच व्यायामासाठी मार्गदर्शन करण्यात‎ येणार आहे. या सोबतच बी.पी. आणि शुगर तपासणी,‎ कॅल्शियम आणि मल्टि व्हिटामिनची औषधे, उंची,‎ वजन व बीएमआय तपासणी होणार आहे. या‎ शिबिरात डॉ. प्रियल चांदूरकर व डॉ. हुमेरा तबस्सुम‎ यांच्यासह तज्ञ डॉक्टर्स रूग्णांची तपासणी करणार‎ आहे. तरी या शिबिराचा रुग्णानी लाभ घ्यावा, असे‎ आवाहन एम्पॉवर फिजियोथेरपी क्लिनिकच्या‎ संचालिका डॉ. हुमेरा तबस्सुम यांनी केले आहे.‎