आढावा बैठक:पाणंद रस्त्यांची कामे तातडीने सुरू‎ करा ‎; आ.श्वेता महाले यांच्या सूचना

मागील वर्षभरात चिखली‎ मतदारसंघातील १२६ गावांमधील‎ ४५५ किलोमीटर शेत पाणंद रस्त्यांना‎ मातोश्री पाणंद रस्ते योजनेअंतर्गत‎ मान्यता मिळाली आहे. परंतु,‎ यंत्रणांच्या उदासीनतेमुळे त्यांच्या‎ कामांना अद्याप सुरुवात झाली‎ नाही. त्यामुळे सर्व अडचणी दूर‎ करून या कामांना तातडीने सुरुवात‎ करण्यात यावी, अशा सूचना‎ आमदार श्वेता महाले यांनी चिखली‎ विधानसभा मतदारसंघातील‎ मातोश्री शेत पाणंद रस्त्यांच्या‎ आढावा बैठकीत दिल्या.‎ शनिवारी, दि. ११ मार्च रोजी‎ जिल्हाधिकारी डॉ. एच. पी.तुम्मोड‎ यांच्या उपस्थितीत जिल्हा नियोजन‎ समितीच्या सभागृहात मातोश्री शेत‎ पाणंद रस्त्यांची ही आढावा बैठक‎ झाली.‎

काम न करणाऱ्यांवर‎ कारवाई : नंदकुमार‎ महात्मा गांधी रोजगार हमी‎ योजनेमध्ये अधिकाऱ्यांची काम‎ करण्याची मानसिकता दिसत नाही.‎ जनतेची कामे व्हावीत यासाठी हवी‎ तेवढी लवचिकता स्वीकारून‎ शासन निर्णय निर्गमित करण्यात‎‎‎‎‎‎‎‎‎‎‎‎‎‎‎‎‎ आले आहेत. केंद्राचा एवढा मोठा‎ निधी मिळूनही राज्यामध्ये मनरेगाची‎ कामे अपेक्षित प्रमाणात होत नाही.‎ मातोश्री पाणंद रस्ते शेतकऱ्यांसाठी‎ वरदान ठरणार असल्याने आणि‎ अधिकाऱ्यांमधील बरेच जण‎ भूमिपुत्र असल्याने त्यांनी मातोश्री‎ पाणंद रस्त्यांची कामे तातडीने मार्गी‎ लावावीत.‎ याबाबत जो कर्मचारी किंवा‎ अधिकारी काम करणार नाही‎ त्याच्यावर कारवाई करण्यात येईल,‎ असे संकेत रोजगार हमी योजनेचे‎ प्रधान सचिव नंदकुमार यांनी‎‎‎‎‎‎‎‎‎‎‎‎‎‎‎‎‎ आढावा बैठकीदरम्यान‎ भ्रमणध्वनीवर बोलताना दिले.‎

यावेळी निवासी उपजिल्हाधिकारी‎ माचेवार, उपमुख्य कार्यकारी‎ अधिकारी (रोहयो) अरुण मोहोड,‎ कार्यकारी अभियंता राऊत, ठाकरे,‎ गट विकास अधिकारी शिवशंकर‎ भारसाखले, सरिता पवार,‎ उपअभियंता दीपक चिंचोले,‎ बिहाडे, भाजप तालुकाध्यक्ष अॅड.‎ सुनील देशमुख, भाजप शहराध्यक्ष‎ सिद्धार्थ शर्मा, राजू चांदा, विष्णू‎ वाघ, आस्तिक वारे, संदीप सोनुने‎ यांची उपस्थिती होती.‎

आढावा बैठकीतच "रोहयो''च्या प्रधान सचिवांशी संपर्क‎
आढावा बैठकीदरम्यान अधिकाऱ्यांनी मातोश्री पाणंद रस्त्यांमध्ये येणाऱ्या‎ अडचणीचा पाढा वाचण्यास सुरुवात केली. यावेळी आमदार श्वेता महाले‎ यांनी रोजगार हमी योजनेचे प्रधान सचिव नंदकुमार यांना फोन लावून‎ अधिकाऱ्यांना मार्गदर्शन करण्याच्या सूचना केल्या.‎