गुन्हा दाखल:युवतीची छेड काढणे‎ वृद्धाला पडले महागात‎

बसमध्ये बाजूला बसलेल्या वृद्ध प्रवाशाने छेड काढली. मात्र, न‎ डगमगता तिने मध्येच खाली उतरलेल्या वृद्धाचा पाठलाग करत‎ भावाच्या मदतीने त्यास पोलिसांच्या ताब्यात दिले. या प्रकरणी‎ बुलडाणा पोलिसांनी तक्रारीवरून विनयभंगाचा गुन्हा दाखल‎ केला आहे.‎ बुलडाणा येथील रहिवासी असलेली २० वर्षीय युवती‎ चिखली येथील महाविद्यालयात शिकत आहे. ती बसने‎ बुलडाण्याकडे परत येत होती. या वेळी तिच्या बाजूला‎ बसलेल्या समाधान परशराम सुरगडे वय ६३, रा. विदर्भ‎ हाउसिंग सोसायटी, बुलडाणा याने तिची छेड काढली.

युवतीने‎ आपल्या भावाला फोन करून घटनेची माहिती दिली. यामुळे‎ घाबरलेला वृद्ध बुलडाणा बसस्थानक ऐवजी मध्येच चांडक ले‎ आऊट थांब्यावर उतरला. युवतीही खाली उतरली व त्याचा‎ पाठलाग केला. याचवेळी तिचा भाऊ व इतर नातेवाईक त्या‎ ठिकाणी पोहोचले. त्यांनी सुरगडे याला बुलडाणा शहर ठाण्यात‎ आणले. युवतीच्या तक्रारीवरून विनयभंगाचा गुन्हा दाखल‎ करण्यात आला.‎