फिर्याद:नायब तहसीलदार उकर्डे यांच्या पथकाची कारवाई ‎; पोलिसांत गुन्हा दाखल‎

तालुक्यामध्ये अवैध वाळू वाहतूक सर्रास‎ सुरू असून नायब तहसीलदार हरिभाऊ‎ उकर्डे यांच्या पथकाने आज रविवार, दि.९‎ एप्रिल रोजी अवैध वाळू करणाऱ्या एका‎ ट्रॅक्टरवर कारवाई करून तामगाव‎ पोलिसांत लावण्यात सांगितले असता‎ रस्त्यावर रेती खाली करून ट्रॅक्टर चालक‎ व मालक ट्रॅक्टर घेवून पळून गेले.‎ याप्रकरणी तामगाव पोलिसांत नायब‎ तहसीलदारांनी दिलेल्या लेखी फिर्यादी‎ वरुन ट्रॅक्टर चालक, मालकावर विविध‎ कलमान्वये गुन्हा दाखल करण्यात आला‎ आहे.‎

याबाबत प्राप्त माहिती अशी की, नायब‎ तहसीलदार हरिभाऊ उकर्डे यांनी तामगाव‎ पोलिसांत दिलेल्या फिर्यादीवरून रविवार,‎ दि.९ एप्रिल रोजी सकाळी आठ वाजता‎ दरम्यान नायब तहसीलदार व पथकातील‎ सहकारी मंडळ अधीकारी, तलाठी हे‎ वरवट बकाल ते संग्रामपूर रोडने अवैध‎ गौण खनिज वाहतुक बाबत कार्यवाही‎‎‎‎‎‎‎‎‎‎‎‎‎‎ करणेसाठी एका कापूस जिन येथे थांबले‎ असता रस्त्याने एक लाल रंगाचा विना‎ क्रमांकाचा ट्रॅक्टर ट्रॉलीसह वरवटकडुन‎ येतांना दिसला. त्यास हाताने इशारा करुन‎ सोबतच्या स्टाफचे मदतीने थांबवले असता‎ सदर ट्रॅक्टरचे ट्रॉलीमध्ये अंदाजे एक ब्रास‎ वाळू किमत अंदाजे ३ हजार २०० रुपयाची‎ भरलेली दिसुन आली. यावरुन ट्रॅक्टर‎ चालक अविनाश भाऊराव गायकवाड‎ रा.मोमीनाबाद असे सांगितले वरुन त्यास‎ सदर ट्रॅक्टरचे मालक आशिष रवींद्र बकाल‎ रा.वरवट बकाल यांचे मालकीचा‎ असल्याचे सांगीतले.

तसेच ट्रॅक्टर मधील‎ वाळू बाबत रॉयल्टी आहे का, अशी‎ विचारणा केली असता त्यांच्याकडे रॉयल्टी‎ नसल्याने वरुन सदर ट्रॅक्टर पुढील‎ कार्यवाही करीता तामगाव पोलिस स्टेशन‎ येथे नेण्यास चालकास सांगितले. असता‎ रस्त्यावर सदर ट्रॅक्टरचा मालक मोटर‎ सायकलने आला व त्याने ट्रॅक्टर चालकास‎ ट्रॅक्टरचे ट्राॅली मधील वाळू खाली‎ करण्यास सांगितले. वरुन चालकाने‎ ट्रॉलीमधील वाळू खाली करुन ट्रॅक्टरचा‎ मालक व चालक हे ट्रॅक्टर घेऊन पळून‎ गेले. तसेच ट्रॅक्टर थांबवण्याचा प्रयत्न‎ केला. परंतु रस्त्यावर वर्दळ असल्याने व‎ रस्ता अरुंद असल्याने ट्रॅक्टर थांबवता‎ आले नाही असे नायब तहसीलदार‎ हरिभाऊ उकर्डे, मंडळ अधिकारी रवींद्र‎ बोराखडे, तलाठी एस.एस.कुसळकार,‎ तलाठी खरे यांच्या तक्रारीवरून चालक,‎ मालकावर विविध कलमान्वये गुन्हे दाखल‎ करण्यात आले आहेत.‎