रस्ते खोदले:जलवाहिनी फुटली; पाण्याचा‎ अपव्यय, नागरिकांची वणवण‎

शहरात सध्या जलवाहिन्या फुटून‎ पाणी अपव्यय होण्याचे प्रमाण‎ वाढले आहे. त्यातच नवीन‎ पाइपलाइन टाकल्यानंतर त्यातील‎ माती व मुरुमाचे खडे रस्त्यावर‎ विखुरलेले असल्याने त्यात पाणी‎ साचून चिखल निर्माण होत आहे.‎ या चिखलामुळे अनेक‎ अपघाताच्या मालिकाच घडत‎ आहे. फुटलेल्या जलवाहिनीतून‎ लाखो लिटर पाणी अपव्यय होत‎ असतांना नागरिकांच्या नळाला‎ मात्र पाण्याचा थेंब येत नसल्याचे‎ चित्र आहे. त्यामुळे पालिकेच्या‎ निष्क्रीय कारभाराबद्दल‎ नागरिकांमध्ये रोष व्यक्त होत‎ आहे.‎

बुलडाणा शहराला पाणी पुरवठा‎ करण्यात येणारी जलवाहिनी‎ कोठेतरी फुटलेली आहे. बहुतांश‎ ठिकाणी वॉलच लिकेज करुन‎ ठेवण्यात आले आहे. येळगाव‎ वरुन येणार्या जलवाहिनी लिकेज‎ असल्याचे दिसत आहे. हाच‎ अुनभव शहरात आल्यानंतरही‎ दृष्टीस पडत आहे. बांधकाम‎ अभियंता यांचे बंगल्यासमोरही‎ अशीच अवस्था आहे. बुलडाणा‎ शहरातील पाईप लाईन पंचवीस‎ वर्ष जुनी झाल्याने ती आता‎‎‎‎‎‎‎‎‎‎‎‎‎‎‎‎‎‎‎‎‎‎ बदलली जात आहे. परंतु,‎ जयस्वाल ले आऊट, मच्छी ले‎ आऊटसाठी चार वर्षापूर्वीच‎ महात्मा फुले शाळेपासून‎ जलवाहिनी बदलण्यात आली‎ होती.

ती आजही का फुटते हे‎ कळत नाही. येथुनही मोठया‎ प्रमाणात पाण्याचा अपव्यय होत‎ आहे. आतातर खोदण्याचे कामात‎ पुन्हा एकदा ही जलवाहिनी फुटुन‎ मोठया प्रमाणात पाणी साचले‎‎‎‎‎‎‎‎‎‎‎‎‎‎‎‎‎‎‎‎‎‎ आहे. पुढे मातोश्री क्रीडा मंडळ व‎ देवीचे मंदिर असलेल्या तार‎ फिनिशिगच्या बाजुने खोदण्यात‎ आले तेथे तर चार दिवसांपुर्वी‎ तब्बल पाच तास पाणी वाहत होते.‎ लाखो लीटर पाणी वाहत गेले पण‎ पालिकेने काहीच केले नाही आज‎ पुन्हा तीच परिस्थिती आली व‎ लाखो लिटर पाणी वाहत गेले.‎ येथील चौकातील व्हॉल्वतर‎ नेहमीच फुटुन पाणी वाहत राहते.‎

पाण्याने झाला चिखल‎ महात्मा फुले शाळेपासुन तर पुढे जात‎ असतांना दुध डेअरी असलेल्या‎ चौकापर्यंत माती रस्त्यावर साचली‎ आहे. खोदकामातील ही माती आहे.‎ त्यातच पाणी रस्त्यावर सोडल्याने व‎ पाईप लाईन फुटल्याने ही माती‎ चिखलमय बनते व येथे अपघात घडत‎ आहेत. येथील लोकांच्या म्हणण्यानुसार‎ आतापर्यत चार ते पाच जणांना‎ पडण्याचा अनुभव आला आहे तर‎ काहींना घसरण्याचा अनुभव आला‎ आहे. मात्र पालिकेने याचा अनुभव‎ एकदा घेऊन कंत्राटदारालाही घेऊ‎ दयावा, अशी मानसिकता लोकांची‎ बनली आहे.‎

वारंवार फुटते जलवाहिनी‎ तानाजी नगर मधील जलवाहिनी‎ फुटणार नाही. कॉकमधुन पाणी‎ वाहत राहणार नाही. ही आजची बाब‎ नाही तर लोकांना हा नळ आले‎ येणारा नेहमीचा अनुभव आहे. काही‎ ठिकाणी तर कितीही दुरुस्त करा‎ जलवाहिनी फुटुन त्यात डुकरांनी‎ लोळावे. तेच पाणी लोकांना जाणे हे‎ लोकांना दिसते पण करणार काय.‎ कारण या भागात जलवाहिनी फुटणे‎ हे जसे काही वरदानच मिळाले आहे.‎