चौकशीचे निर्देश‎:आझाद हिंदच्या मागण्यांची‎ शासनाने घेतली दखल‎

जिल्ह्यातील अवैध धंदे बंद करून‎ वाढत्या गुन्हेगारीवर अंकुश‎ लावण्यात यावा, सर्वधर्मीय राष्ट्रसंत‎ व महापुरुषांबद्दल अवमानजनक‎ गरळ ओकणाऱ्यांवर प्रतिबंध‎ लावण्यासाठी स्वतंत्र कायदा तयार‎ करावा, शेतमालाला भाव द्यावा,‎ नाबालिक मुलींच्या अपहरणाची‎ चौकशी करावी, बागेश्वर धामचे‎ धीरेंद्र शास्त्रीवर कारवाई करावी,‎ यासह इतर मागण्यांच्या अनुषंगाने‎ आझाद हिंदचे शिष्टमंडळ अॅड.‎ सतीशचंद्र रोठे यांच्या नेतृत्वात तीन‎ दिवस मंत्रालयात ठाण मांडून होते.‎ त्यावर मंत्रालयीन सचिवालयाकडून‎ चौकशीचे निर्देश देण्यात आले‎ आहेत.‎

विविध मागण्यांच्या पूर्ततेसाठी‎ आझाद हिंदच्या शिष्टमंडळाने‎ मंत्रालयातील संबंधित विभागाचे‎ मुख्य सचिव, मुख्यमंत्री,‎ उपमुख्यमंत्री यांचे प्रशासकीय व‎ वैयक्तिक स्वीय सहायक, ओसडी,‎ सहसचिव, मुख्य वनपाल यांना २‎ फेब्रुवारीला मागण्यांच्या अनुषंगाने‎ प्रत्यक्ष भेटी घेत असंख्य पुरावे सादर‎ केले. तक्रारी व निवेदनांच्या‎‎‎‎‎‎‎‎‎‎ अनुषंगाने संबंधित विभागाच्या‎ सचिवालयाने मागण्यांची पूर्तता तथा‎ कारवाईचे निर्देश संबंधित‎ विभागाला दिल्याचे आझाद हिंदच्या‎ बैठकीत जाहीर केले आहे.

तसेच‎ लवकरच बुलडाणा जिल्ह्यातील‎ भ्रष्ट अधिकाऱ्यांच्या बदल्या आणि‎ कारवाईचे सत्र सुरू होणार‎ असल्याची माहिती आहे. या वेळी‎ आझाद हिंदच्या शिष्टमंडळात अॅड.‎ सतीशचंद्र रोठे, प्रदेशाध्यक्ष प्रशांत‎ यशवंतराव पाटील, महिला प्रदेश‎ संपर्कप्रमुख सुरेखा निकाळजे, प्रदेश‎ महासचिव संजय एंडोले, सोशल‎ मीडिया इन्चार्ज योगेश कोकाटे,‎ प्रदेश उपाध्यक्ष अरुण पाटील,‎ कोकण प्रदेशाध्यक्ष भाई गणपत‎ चव्हाण यांच्यासह मुंबई प्रदेशचे‎ प्रमुख पदाधिकारी प्रामुख्याने‎ उपस्थित होते.‎