निकाल:सल्ला देणाऱ्या पोलिसाला‎ मारहाण करणे भोवले‎

‎ गाडीला ओव्हरटेक करणाऱ्या दुचाकीमुळे‎ पायाला लागल्यामुळे गाडी पाहुन‎ चालवायचा सल्ला देणाऱ्या पोलिस‎ कर्मचाऱ्यास लोखंडी रॉडने मारहाण करणे‎ एकास चांगलेच भोवले. शुभम वाघुर्डे‎ नावाच्या या दुचाकी चालकास प्रमुख‎ जिल्हा व सत्र न्यायाधीश स्वप्नील च खटी‎ यांनी चार वर्ष सश्रम कारावास व तीन हजार‎ पाचशे रुपये दंडाची शिक्षा आज सुनावली.‎ सोबतच विविध कलमान्वये देखील दोषी‎ ठरवून सर्व शिक्षा एकत्रितपणे भोगण्यास‎ सांगितले.‎ बुलडाणा येथे २०१८ मध्ये पोलिस हेड‎ कॉन्स्टेबल या पदावर असताना राधेश्याम‎ वैष्णव हे १८ मे २०१८ रोजी धाड येथे त्यांच्या‎ वैयक्तीक कामाकरिता मोटारसायकलने‎ जात होते. त्यावेळी डॉ. मालवे यांच्या‎ दवाखान्याजवळ मोटार सायकलवर‎ असलेल्या शुभम वाघुर्डे व त्याच्या‎ सोबतच्या अल्पवयीन मुलाने त्यांच्या‎ गाडीचा धक्का ओव्हरटेक करताना वैष्णव‎ यांच्या गाडीला दिल्याने त्यांच्या उजव्या‎ पायाला लागले होते.

त्यामुळे त्यांनी शुभम‎ यास समजावले असता त्याने अरेरावीवर‎ येवून शिविगाळ व दमदाटी केली व धाड‎ येथील मुख्य बाजार गल्लीत सुभाष किराणा‎ दुकानाजवळ राधेश्याम वैष्णव यांना‎ लोखंडी रॉडने डोक्याला मारहाण केली.‎ या प्रकरणात फिर्यादी पक्षातर्फे फिर्यादी‎ राधेश्याम गोविंददास वैष्णव, पंच संतोष‎ अहेर, वैद्यकीय अधिकारी डॉ. भागवत‎ भुसारी, धाड येथील कार्यरत वैद्यकीय‎ अधिकारी विवेक सोळंकी, तपास‎ अधिकारी सहायक पोलिस निरीक्षक संग्राम‎ पाटील या साक्षीदारांच्या साक्षी तपासल्या‎ त्या महत्वपूर्ण ठरल्या. सरकारी पक्षातर्फे‎ सरकारी वकील अॅड. सोनाली सावजी‎ देशपांडे यांनी न्यायालयासमोर बाजू मांडली.‎

त्यांचा युक्तीवाद ग्राह्य धरून वि.‎ न्यायालयाने आरोपीला चार वर्ष सश्रम‎ करावास व रू.२००० दंड, दंड न भरल्यास‎ पाच महिने कारावास, कलम २९४ अन्वये‎ दोन महिने कारावास व ५०० रुपये दंड, दंड‎ न भरल्यास पंधरा दिवसांची कैद, कलम‎ ५०४ व ५०६ अंतर्गत एक वर्ष सश्रम‎ कारावास व प्रत्येकी ५०० रूपये दंड तसेच‎ दंड न भरल्यास प्रत्येकी प्रत्येकी दोन महिने‎ कारावास अशा प्रकाराची शिक्षा आज रोजी‎ सुनावली व सर्व शिक्षा एकत्रितपणे‎ भोगण्यास सांगितले.‎