निकाल जाहीर‎:खामगाव तालुक्यातील 16‎ ग्रामपंचायतीचे निकाल जाहीर‎

तालुक्यातील ग्रामपंचायतच्या‎ सार्वत्रिक निवडणुकीत‎ तालुक्यातील १६ ग्रामपंचायतचे‎ निकाल आज मंगळवारी घोषित‎ करण्यात आले. यामध्ये १६ सरपंच‎ तर सदस्य उमेदवार निवडून आले‎ आहेत. या अगोदर ४३ उमेदवार‎ अविरोध निवडून आले होते. तर ३‎ जागा रिक्त राहिल्या आहेत.‎ आज २० डिसेंबर रोजी मतमोजणी‎ करण्यात आली. तहसीलदार तथा‎ निवडणूक अधिकारी अतुल पाटोळे‎ यांनी मतमोजणीसाठी चोख‎ व्यवस्था केली होती. यावेळी‎ निवडणूक नायब तहसीलदार‎ गजानन बोरले, नायब तहसीलदार‎ हेमंत पाटील यांच्यासह अधिकारी व‎ कर्मचारी उपस्थित होते. निवडणूक‎ निकाल ऐकण्यासाठी तालुक्यातील‎ नागरिकांनी एकच गर्दी केली होती.‎ उपविभागीय पोलिस अधिकारी‎ अमोल कोळी यांनी निवडणुक‎ निकाल केंद्राला भेट दिली.

तर‎ ठाणेदार प्रदीप त्रिभुवन यांनी चोख‎ पोलीस बंदोबस्त तैनात केला होता.‎ खुटपुरी - दीक्षा नितीन गवळी,‎ नांद्री वंदना शेषराव कांडेलकर,‎ दिवठाणा- रेखा गोपाल हेलोडे,‎ किन्ही महादेव - त्रिगुणा रामेश्वर‎ वाघ, वझर - पौर्णिमा दिलीप‎ भारसाकळे, माक्ता - शिल्पा गणेश‎ ताठे, कवडगाव- सिंधू किसन‎ राठोड, वडजी - अजाबराव‎ दगडूजी वाघ, नागापूर- कैलास‎ प्रल्हाद वासमकार, झोडगा - वंदना‎ राम कटकवाळ, सजनपुरी- सय्यद‎ मेहरूनिसा सय्यद अकबर, कोंटी -‎ संजू राजाराम ठोंबरे, लोखंडा - दुर्गा‎ श्रीकृष्ण ठाकरे, नायदेवी -‎ वछलाबाई शालिग्राम तायडे, लोणी‎ गुरव - अंबिका दिलीप भगत व‎ जळका तेली सरपंच पदी दीपक‎ वसंता चव्हाण हे निवडून आले‎ आहेत.‎ विजयाचा जल्लोष करताना कार्यकर्ते.‎