हनुमान जयंती दिन:खामगाव येथे बारा गाड्या‎ ओढण्याची परंपरा कायम‎

हनुमान जयंती दिनी बारा‎ गाड्या गडकऱ्यांच्या माध्यमातून‎ ओढण्याची दीड शतकांपासूनची‎ परंपरा आजही कायम आहे. जेजुरी‎ नंतर खामगावात बारा गाड्या ओढल्या‎ जाण्याचा कार्यक्रम होत असतो हे‎ विशेष!‎ यंदा गुरुवार, दि.६ एप्रिल रोजी‎ हनुमान जयंती दिनी सायंकाळी येथील‎ जगदंबा चौक ते गौतम चौक परत‎ जगदंबा पर्यत बारा गाड्या एकमेकांना‎ बांधून गडकरी सागर भोसले, दिपक‎ भोसले, विशाल जोगदंड, उमेश‎ जाधव, नितीन जाधव, शंकर‎ गुर्जीवाल, संभाजी दासतोडे, गंगाराम‎ गर्जीवाल, विनोद बोराखडे, आकाश‎ भाटकर, अक्षय सातपूते, माऊली‎ परांडे, संकेश भटकर, सचिन मराठे‎ यांनी या गाड्या ओढल्या.

बारा गाड्या‎ ओढण्याचा कार्यक्रम पाहण्यासाठी‎ रस्त्याच्या दुतर्फा नागरिकांची गर्दी‎ दिसून येत होती. दि.७ एप्रिल रोजी‎ खंडोबा मंदीरात खंडोबाचा लग्न‎ सोहळा त्यानंतर लंगर पार पडला. नऊ‎ दिवस अगोदर मंदिरात घट बसविण्यात‎ आला होता. भंडारा गडकऱ्यांना‎ अडीच दिवसाआधी लावण्यात आली‎ होती. याठिकाणी हनुमान जयंतीच्या‎ दिवशी दि.६ एप्रिल रोजी यात्रा भरली‎ होती.‎