आंदोलन:समृद्धी महामार्गावरील तीनशे मजूर‎ कामाच्या मोबदल्यापासून वंचित‎

शहराच्या बाहेरुन जाणाऱ्या समृद्धी ‎महामार्गाच्या कामासाठी परप्रांतीय ‎मजुरांना आणले होते. परंतु पाच ‎ ‎ महिन्यांचा कालावधी उलटून गेला ‎ ‎ असताना देखील त्यांना मजुरीचा ‎मोबदला देण्यात आलेला नाही.‎ त्यामुळे मजुरांच्या कुटुंबावर उपासमारीची वेळ आली आहे.‎ काम करूनही मोबदला मिळत नसल्यामुळे आक्रमक झालेल्या ‎मजुरांनी कंपनीच्या कार्यालयासमोर ‎ठिय्या मांडला. त्यावर कंपनीच्या ‎अधिकाऱ्यांनी पुढील आठवड्यात ‎कामाचा मोबदला देण्यात येईल,‎ असे आश्वासन देवून मजुरांना शांत केले.‎ राज्यातील सर्वात महत्वाचा स्व. बाळासाहेब समृद्धी महामार्गाचे ‎लोकार्पण पंतप्रधान नरेंद्र मोदी‎ यांच्या हस्ते नुकतेच करण्यात आले ‎आहे.

या महामार्गाच्या कामासाठी ‎कोट्यवधी रुपये खर्च करण्यात‎ आले आहेत. या महामार्गामुळे‎ नागपूर- मुंबईचे अंतर अत्यंत कमी‎ झाले असून या महामार्गावरून‎ वाहने सुद्धा सुसाट धावायला‎ लागली आहेत. परंतु हा महामार्ग‎ तयार करण्यासाठी घाम गाळणाऱ्या‎ सिंदखेडराजा तालुक्यातील पॅकेज‎ क्रमांक सात तढेगाव कॅम्प मधील‎ तीनशे मजुरांना त्यांची मजुरी तब्बल‎ पाच महिन्यांपासून मिळालेली नाही.‎ हे सर्व मजूर मध्य प्रदेशातील‎ रहिवासी आहेत.

पाच महिन्यांपासून‎ कामाचा मोबदला मिळाला‎ नसल्यामुळे मजुरासह त्यांचा‎‎ परिवार त्रस्त झाला आहे. पैशा‎ अभावी मजुरांच्या कुटुंबावर‎ उपासमारीची वेळ आली आहे.‎ त्यामुळे हताश झालेल्या मजुरांनी‎ मोबदल्यासाठी आंदोलनाचे हत्यार‎ उपसले असून कंपनी विरोधात‎ हल्लाबोल सुरु केला आहे. रोडवेज‎ सोल्युशन इंडिया इन्फ्रा लिमिटेड या‎ कंपनी मार्फत हजारो मजूर समृद्धी ‎मार्गावर सात नंबर पॅकेज मध्ये काम‎ करीत होते. दिवसरात्र काम करून‎ सुद्धा त्यांच्या घाम गाळलेल्या‎ कामाचा मोबदला दिल्या जात‎ नसल्याने तीनशे मजुरांनी‎ किनगावराजा पोलिसांत तक्रार‎ देण्यासाठी पंधरा किलोमीटर पायी‎ जाऊन प्रयत्न केला, परंतु राहेरी‎ नदीच्या पुलावर हा मजुराचा मोर्चा‎ पोलिसांनी अडविला. त्यानंतर‎ कंपनीच्या जबाबदार अधिकाऱ्यांशी‎ चर्चा करण्यात आली. त्यावर‎ कंपनीच्या अधिकाऱ्यांनी पुढील‎ आठवड्यात मजुरांच्या खात्यात‎ त्यांचे वेतन जमा करण्यात येईल,‎ असे आश्वासन दिले. या‎ आश्वासनानंतर मजुरांनी आपले‎ आंदोलन मागे घेतले.‎

हा गंभीर प्रकार आहे‎
पॅकेज क्रमांक सात तढेगाव कॅम्प मधील तीनशे‎ मजुरांना त्यांची मजुरी पाच महिन्यांपासून मिळाली‎ नाही. हे सर्व मजूर मध्य प्रदेशातील असून या मजुराचे‎ परिवार त्रस्त झाले आहेत. या गंभीर विषयाची दखल‎ जिल्ह्याचे खासदार प्रतापराव जाधव व माजी आमदार‎ शशिकांत खेडेकर यांनी घेतली असून मजूर‎ महाराष्ट्रातील असो की परप्रांतीय असो मजुराचा‎ घामाचा पैसा मजुराला मिळालाच पाहिजे. संबंधित‎ कंपनीची तक्रार मुख्यमंत्री एकनाथ शिंदे यांच्याकडे‎ करण्यात येणार आहे.‎ -शिवा ठाकरे, तालुका प्रमुख बाळा साहेबांची‎ शिवसेना‎कंपनी कार्यालयासमोर ठिय्या देतांना परप्रांतीय मजूर.‎

खाकीतील संवेदनशीलपणा दिसला‎
समृद्धी महामार्गावर काम करणाऱ्या तीनशे मजुरांना पाच‎ महिन्यापासून मजुरी मिळाली नाही. त्यामुळे मजूर तक्रार‎ दाखल करण्यासाठी किनगावराजा पोलीस स्टेशन कडे‎ येत होते. या बाबतची माहिती मिळाल्यानंतर ठाणेदार‎ युवराज रबडे यांनी स्वता रोडवेज सोल्युशन इंडिया इन्फ्रा‎ लिमिटेड या कंपनीच्या व्यवस्थापकाशी बोलून मजुरांचा‎ पैसा अद्याप का दिला नाही. तसेच मजुरांना पैसा कधी‎ मिळणार. मजुरांचा पैसा देण्यात यावा, या संदर्भात चर्चा‎ केली. त्यानंतर ठाणेदार रबडे यांनी मजुरांना शांत करून‎ त्यांनी पुढील आठवड्यात कंपनी पूर्ण कामाचा मोबदला‎ देईल. असे मजुरांना सांगीतले. त्यामुळे खाकी वर्दीतील‎ संवेदनशीलता दिसून आली आहे.‎