अपघात:दोन ट्रकचा भीषण अपघात; दोन जण जखमी‎

भरधाव ट्रकने प्रथम सायकलस्वार त्यानंतर‎ दुभाजकावरील विद्युत खांब आणि गॅस‎ सिलिंडरच्या ट्रकला धडक दिली. त्यानंतर‎ अनियंत्रित झालेला ट्रक खामगाव-नांदुरा‎ रस्त्यावरील एका हॉटेल समोर उलटला. ही‎ घटना सोमवारी सायंकाळी साडेसात वाजेच्या‎ सुमारास घडली. यामध्ये ट्रकचालकासह एक‎ जण जखमी झाला .‎

खामगाव-नांदुरा रस्त्यावरुन एम.एच.४०‎ ए.के.४४४७ क्रमांकाचा ट्रक नांदुऱ्याकडे‎ राख घेऊन जात होता. जलंब नाक्यासमोर‎ या ट्रकच्या चालकाचे वाहनावरील नियंत्रण‎ सुटल्याने त्याने सुरूवातीला सुटाळा येथील‎ राजू जानकीराम बगाडे या सायकल स्वारास‎ धडक दिली. त्यानंतर दुभाजकावरील विद्युत‎ खांबास धडक दिली. त्यानंतर एम.एच. ३७‎ टी. ०२७१ या सिलिंडर घेऊन जाणाऱ्या‎ ट्रकच्या एका बाजूला धडक देत, रस्त्यावर‎ उलटला. या अपघातामुळे खामगाव-नांदुरा‎ रस्त्यावर एकच खळबळ उडाली.

घटनेची‎ माहिती मिळताच खामगाव शहर पोलिस‎ घटनास्थळी पोहोचले. त्यांनी अपघातग्रस्त‎ ट्रकमधील चालकाला बाहेर काढले.‎ तात्काळ खामगाव येथील सामान्य‎ रुग्णालयात हलविले. ज्ञानेश्वर मुकींदा‎ अंमलकार (४२) रा. काळेगाव‎ ता.खामगाव असे जखमी चालकाचे नाव‎ असून वाहक अवदेश प्रताप (३४)‎ रा.उत्तरप्रदेश हा किरकोळ जखमी झाला‎ आहे. त्याचवेळी जखमी सायकल स्वाराला‎ एका खासगी रुग्णालयात उपचारार्थ नेण्यात‎ अाले.‎ ट्रकने धडक दिल्याने सिलिंडरच्या ट्रक‎ मधील सिलिंडरमधून गॅस गळती सुरू‎ झाली. शहर पोलिस त्वरीत घटनास्थळी‎ दाखल झाले. क्षणाचाही विलंब न लावता‎ सिलिंडरच्या ट्रकला सुरक्षित ठिकाणी‎ हलविले. त्यामुळे पुढील अनर्थ टळला . या‎ घटनेमुळे खामगाव-नांदुरा रस्त्यावरील‎ वाहतूक काही काळ विस्कळीत झाली होती.‎