दिव्य मराठी विशेष:वाजत-गाजत केले स्त्री जन्मा चे स्वागत‎

राष्ट्रमाता माँ साहेब जिजाऊ यांचा‎ जिल्हा म्हणून ओळखल्या‎ जाणाऱ्या मातृतीर्थ बुलडाणा‎ जिल्ह्यातील मोताळा शहरात‎ आपला पारंपरिक व्यसायासोबत‎ मिळेल ती मोलमजुरी करून‎ आपल्या कुटूंबाचा उदरनिर्वाह‎ करणाऱ्या एका ४२ वर्षीय पित्याने‎ आपल्या मुलींच्या जन्माचे डीजे‎ लाऊन वाजत गाजत स्वागत‎ करून समाजासमोर एका आदर्श‎ निर्माण केला आहे.‎

एकीकडे संपूर्ण राज्यात दररोज‎ कोणत्या ना कोणत्या ठिकाणी‎ महिलांच्या मातृत्वाचा आणि‎ कर्तृत्वाचा गौरव करण्यात येत‎‎‎‎‎‎‎‎‎‎‎‎‎‎ असताना कन्येने जगात पाऊल‎ ठेवले आणि तिच्या पित्याला‎ एवढा आनंद झाला की त्याने‎ रुग्णालयातून बाळ आणि‎ बाळंतिणीला सुटी मिळताच‎‎‎‎‎‎‎‎‎‎‎‎‎‎ डीजेच्या गजरात आनंद साजरा‎ केला.‎ देशभरात स्त्री भ्रूण हत्यांचे‎ प्रमाण गाजत असतानाच श्रीनाथ‎ दांपत्याने मुलीच्या जन्माचे स्वागत‎ वाजत गाजत केले एवढेच नव्हे‎ तर वडील विजय श्रीनाथ यांनी‎ रुग्णालय परिसरात पेढे वाटून‎ लेकीच्या जन्माचा आनंद साजरा‎ केला.

मोताळा येथील स्त्रीरोग तज्ञ‎ डॉ तेजल काळे यांच्या प्रथमेश‎ सर्जिकल हॉस्पिटलमध्ये सकाळी‎ नऊ वाजेच्या सुमारास‎ चिमुकलीचा जन्म झाला.‎ बेचाळीस वर्षीय असलेल्या विजय‎ श्रीनाथ व पत्नी प्रतिभा विजय‎ श्रीनाथ यांना ओम वय १२ व‎ श्रीकांत वय १० अशी दोन मुले‎ आहेत. परंतु मुलींची माया ही‎ जगावेगळी असल्याने मुलींची‎ उणीव मुले कधीच भरू काढू‎ शकत नसल्याने आपल्याला सुद्धा‎ मुलगी असायला पाहिजे, अशी‎ त्यांची मनोमन इच्छा होती‎ योगायोगाने ती पुर्ण सुद्धा झाल्याचे‎ वडील विजय श्रीनाथ यांनी‎ सांगितले.

जातीने भोई समाज‎ असलेले विजय श्रीनाथ हे आपला‎ पारंपरिक व्यवसायासह मिळेल ती‎ मोलमजुरी करीत कुटूंबाचा‎ उदरनिर्वाह करीत आहेत.‎ या परिस्थीतीतही त्यांनी घरासमोर‎ डिजे लावुन मुलींच्या जन्माचे‎ स्वागत केले आहे. एकीकडे‎ दिल्ली पासुन ते गांव-खेड्या पर्यत‎ स्त्री भ्रूण हत्यांचे प्रमाण वाढत‎ असतानाच श्रीनाथ दाम्पत्याने‎ मुलीच्या जन्माचे केलेले स्वागत‎ म्हणजे स्त्री भ्रूणहत्या‎ करणाऱ्याच्या डोळ्यात झणझणीत‎ अंजन घालणारे आहे.‎