प्रस्ताव धुळखात:पिंपळगाव सैलानी येथील‎ मनोरुग्णालय केव्हा होणार?‎

पिंपळगाव सैलानी या ठिकाणी‎ दरवर्षी होळीला जिल्हयाबाहरील‎ अनेक मनोरुग्ण आणून सोडले‎ जातात. त्यातील काही मनोरुग्ण‎ मृतावस्थेत सापडतात, तर काही‎ भटकंती करताना आढळतात.‎ त्यामुळे या ठिकाणी मनोरुग्णालय‎ उभारणीचा प्रस्ताव २०१५ पासून‎ धूळखात पडला आहे. यात्रा आली‎ म्हणजे ती धुळ झटकली जाते, पुढे‎ काहीही होत नाही. यावेळीही‎ आरोग्य उप संचालकांच्या‎ निर्देशानुसार चिखली तालुका‎ आरोग्य अधिकारी व ग्रामीण‎ रुग्णालयांना माहिती मागवली‎ होती. यापूर्वी जिल्हा नियोजन‎ सभेत या संदर्भात चर्चा होऊन‎ प्रस्ताव सादर करण्याच्या प्रक्रियेला‎ वेग आला होता.‎

पिंपळगाव सैलानीच्या यात्रेला‎ यंदा ६ मार्च पासून सुरुवात होत‎ आहे. यात्रेच्या अनुषंगाने‎ जिल्हाधिकारी यांनी व्यवस्थेचा‎ आढावा घेऊन यंत्रणाही कामाला‎ लागली आहे. परंतु, यावेळी‎ मनोरुग्णालयाबाबत कोणतीही‎ पावले उचलण्यात आलेली नाहीत.‎ इन्फ्रास्ट्रक्चर बाबतही आरोग्य‎ विभागाने शासनाकडे पत्रव्यवहार‎ केले नाही.

यापूर्वी‎ मनोरुग्णालयाबाबतचा एक‎ अहवाल तयार करण्यात आला‎ होता. त्यानुसार ३० खाटांचे‎ रुग्णालय ऊभे करण्यासंदर्भातील‎ माहिती शासनाकडे पाठवण्यात‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ आली होती. मनोरुग्ण कक्ष म्हणून‎ पिंपळगाव सैलानी येत असलेल्या‎ बुलडाणा तालुक्याची व शहराची‎ लोकसंख्येचा सन २०११ च्या‎ जनगणनेनुसार आधारे प्रस्तावित‎ करण्यात आला होता.

पिंपळगाव‎ सैलानी येथे येणाऱ्या मनोरुग्णांची‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ भटकंती थांबवण्यासाठी ही पावले‎ उचलण्यात आली होती. बृहत‎ आराखड्यानुसार महसूल‎ आयुक्तालयाच्या ठिकाणी‎ मनोरुग्णालय असावे याबाबतच्या‎ सूचनाही प्राप्त झाल्या होत्या. मात्र‎ जिल्हा शल्य चिकित्सक अमरावती‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ यांच्याकडून प्रस्ताव न आल्याने‎ मनोरुग्णांच्या उपचारासाठी‎ बुलडाणा येथे मनोरुग्ण कक्ष स्थापन‎ करण्याचा प्रस्तावही तयार करण्यात‎ आला होता. मात्र हा प्रस्ताव‎ अजुनही पुढे सरकलेला नाही हे‎ विशेष.‎

लोकप्रतिनिधींना विसर‎
भाजप - सेनेची सत्ता असतानाच‎ पालकमंत्री स्व. भाऊसाहेब फुंडकर‎ तदनंतर आ. एकनाथ खडसे‎ असताना या मनोरुग्णालयाचा प्रस्ताव‎ जिल्हा नियोजनाच्या प्रत्येक सभेत‎ मांडण्यात आला होता. जिल्हा‎ नियोजनने जर ठराविक निधीला‎ मान्यता देण्यासाठी पावलेही उचलली‎ होती. मात्र त्यानंतर हा प्रश्न रेंगाळतच‎ राहिला अन्यथा नियोजनाच्या‎ तरतुदीतून काहीतरी निर्माण झाले‎ असते. पुढेतर आ. डॉ.संजय कुटे व‎ आ. डॉ.राजेंद्र शिंगणे व आता ना.‎ गुलाबराव पाटील यांनी सभेत हा प्रश्न‎ पुढे रेटलेला नाही.‎

आवश्यक असलेले‎ मनुष्यबळ‎
मानसोपचार तज्ज्ञ - २,‎ चिकित्सालयीन मानसशास्त्रज्ञ‎ -१, मनोविकृती सामाजिक‎ कार्यकर्ता -४, मनोविकृती‎ परिचारिका - ८, औषध निर्माण‎ अधिकारी २, परिसेविका (‎ इनचार्ज) - ३, अधिपरिचारीका‎ ६, अभिलेखापाल १, लिपिक १,‎ कक्ष सेवक १२, सफाई कामगार‎ पुरुष ४, सफाई कामगार स्त्री ४,‎ वाहनचालक २, असे ५०‎ कर्मचारी या मनोरुग्ण कक्षासाठी‎ आवश्यक आहे.‎

संक्षिप्त माहिती...‎
प्रस्तावित मनोरुग्णालय बुलडाणा‎ तालुक्यात येते, मनोरुग्णालयाच्या‎ मुख्यालयाची लोकसंख्या -‎ ६७४३१, तालुक्याची लोकसंख्या‎ २,४७, ०५४, जिल्ह्याची‎ लोकसंख्या २५,८,०३९,‎ मनोरुग्णांची संख्या - निरंक,‎ जवळचे मनोरुग्णालयाचे नाव -‎ नागपूर. अंतर - ४२५ किमी.,‎ मनोरुग्णालयाचा लाभ किती गावांना‎ - जिल्हयातील सर्व गावे व‎ नजीकचे जिल्हे. प्रस्तावित मनोरुग्ण‎ कक्ष भौगोलिक दृष्टया योग्य आहे‎ का - होय. मनोविकृतीची संख्या‎ कशी - १५ पुरुष व १५ महिला.‎