मी सावित्री बोलतेय:कुठल्याही संकटात महिलांनी‎ स्वतःला कमकुवत समजू नये‎

महिलांनी स्वत:ला कमजोर समजू नये.‎ ती घराला चालवणारी लक्ष्मी आहे, असे‎ आवाहन आदर्श शिक्षक पुरस्कार प्राप्त‎ सुनंदा खरात यांनी केले. "मी सावित्री‎ बोलतेय’ या कार्यक्रमातून त्यांनी‎ क्रांतिज्याेती सावित्रीबाई फुले यांच्या‎ जीवनकार्यावर प्रकाश टाकला.‎ राजर्षी शाहू चॅरिटेबल ट्रस्ट सुंदरखेड‎ द्वारा संचालित जिजाऊ ज्ञान मंदिर‎ स्कूल अँड ज्यु क्रॉप सायन्स कॉलेज‎ पळसखेड भट येथे क्रांतिज्याेती‎ सावित्रीबाई फुले यांची जयंती महिला‎ शिक्षक दिन म्हणून साजरी करण्यात‎ आली.

कार्यक्रमाच्या अध्यक्षस्थानी‎ प्राचार्य किशोर सिरसाट हाेते. तर प्रमुख‎ पाहुणे म्हणून आदर्श शिक्षक‎ पुरस्कारप्राप्त सुनंदा खरात, सहाय्यक‎ शिक्षिका माधुरी राजपूत यांची उपस्थिती‎ होती. सर्वप्रथम प्रमुख पाहुण्यांच्या हस्ते‎ सावित्रीबाई फुले यांच्या प्रतिमेचे पूजन‎‎‎‎‎‎‎‎‎‎‎ करुन अभिवादन करण्यात आले.‎ क्रांतिज्योती सावित्रीबाई फुले यांचा‎ जीवनपट इयत्ता दुसरीतील काव्या‎ साखरे हिने उलगडला.

यावेळी अनेक‎ विद्यार्थ्यांनी गीत, भाषणातून क्रांतिज्योती‎ सावित्रीबाई फुले यांच्या जीवनावर‎ प्रकाश टाकला. तर सहाय्यक शिक्षिका‎ गंगा गिरी, मनीषा चव्हाण, निकिता‎ निगडे यांनीही आपल्या भाषण व‎ गीतातून विचार व्यक्त केले. या‎ शाळेतील सर्व शिक्षकांनी या‎ वटवृक्षाची एक एक फांदी मिळून हा‎‎‎‎‎‎‎‎‎‎‎ भला मोठा वृक्ष या ठिकाणी फुलवला‎ आहे.

तो असाच फुलत राहो... अशा‎ सदिच्छा सुनंदा खरात यांनी व्यक्त‎ केल्या. शाळेच्या मुख्याध्यापिका‎ होण्याचा बहुमान अश्विनी जाधव हिला‎ मिळाला. कार्यक्रमानंतर सर्व शिक्षक,‎ शिक्षीका बनलेल्या विद्यार्थ्यांनी शाळेचे‎ कामकाज दिवसभरासाठी हाताळले.‎ कार्यक्रमाचे प्रास्ताविक योगेश खिल्लारे‎ यांनी केले, तर सूत्रसंचालन सृष्टी मोरे‎ हिने केले. आभार क्रांती झिने हिने‎ मानले.‎