एनसीसी:जनुना तलाव येथे जागतिक‎ पाणथळ दिवस उत्साहात साजरा‎

गो. से. विज्ञान कला व वाणिज्य‎ महाविद्यालय येथे १३ महाराष्ट्र‎ बटालियन एनसीसी यांच्या संयुक्त‎ विद्यमाने २ फेब्रुवारी रोजी जागतिक‎ पाणथळ दिवस म्हणजेच वर्ल्ड‎ वेटलँड डे जनुना तलाव येथे‎ आयोजित करण्यात आला. या‎ कार्यक्रमास महाविद्यालयामधील‎ एनसीसी युनिटचे अधिकारी लेफ्टनंट‎ सुहास पिढेकर तसेच १३ महाराष्ट्र‎ बटालियन एनसीसी कमांडिंग‎ ऑफिसर अमित भटनागर, प्राचार्य‎ धनंजय तळवणकर, प्राणिशास्त्र‎ विभागाचे प्रमुख डॉ.काळे,‎ वनस्पतीशास्त्र विभाग प्रमुख‎ प्रा.डॉ.ए.व्ही. पडघान, प्रा. कुटेमाटे‎ यांनी जनुना तलाव येथे केले होते. या‎ कार्यक्रम प्रसंगी प्राचार्य एनसीसी‎ कॅडेटला योग्य मार्गदर्शन केले.‎

यावेळी प्राचार्य तळवणकर यांनी‎ सांगितले की, इराणमधील कॅस्पियन‎ या समुद्राच्या किनाऱ्यावरील रामसर‎ या शहरी पाणथळ प्रदेशाचे महत्त्व या‎ विषयावर परिषद आयोजित‎ करण्यात आली होती. पाणथळ‎ प्रदेशांना मानवी जीवनात असलेले‎ स्थान सर्वांना समजावे या हेतूने दर‎ वर्षी २ फेब्रुवारीचा दिवस वेटलँड्स‎‎‎‎‎‎‎‎‎‎‎ डे साजरा केला जावा, असा निर्णय‎ या परिषदेत घेतला गेला.

असा‎ पहिला दिवस १९९७ साली साजरा‎ झाला. पाणथळ प्रदेश नदी, तलाव,‎ सागरी किनारे अशा ठिकाणी उथळ‎ पाण्याने झाकलेल्या व अनेकविध‎ प्रकारच्या गवतांनी आणि झुडपांनी‎ भरलेल्या पाणथळ जमिनी‎ आपल्याला आढळतात. यामध्ये‎ कृत्रिम तलाव व कालवे, मिठागरे,‎ सांडपाण्याचे तलाव, मत्स्य शेती‎ तलाव, शेततळी, भाताची खाचरे‎ अशा मानवनिर्मित स्थळांचाही‎ समावेश होतो. तसेच डॉ.काळे यांनी‎ सुद्धा कॅडेट यांना मार्गदर्शन करताना‎ सांगितले.

दुर्दैवाने आज पाणथळ‎ प्रदेशांकडे वाया गेलेली जमीन‎ म्हणूनच पाहिले जाते, पण जैविक‎ आणि पर्यावरणीय साखळीतील‎ त्यांचे महत्त्वाचे स्थान लक्षात घेऊन‎‎‎‎‎‎‎‎‎‎‎ ते जतन करून, तिथला कचरा दूर‎ करून त्यांचा सजगतेने वापर करणे‎ गरजेचे आहे.‎ प्रत्येकाने आपली जबाबदारी‎ ओळखून वैयक्तिक पातळीवर‎ सुध्दा पाणथळ प्रदेश वाचवण्याचा‎ प्रयत्न केला तरी या दिशेने एक‎ ठोस पाऊल उचलले जाऊ शकते.‎ जनुना तलाव येथे साफसफाई‎ करण्यात आली. यामध्ये युनिट‎ मधील ७८ एनसीसी कॅडेट तसेच‎ सुभेदार मेजर धर्मेंद्र सिंग, सुभेदार‎ पाल, प्रा.अनिकेत वानखेडे,‎ प्रा.अशोक झुंझारे, प्रा.सपकाळ,‎ प्रा.थाठे, प्रा.ठोंबरे, कॅडेट गणेश‎ बेलोकर, सूरज घाटे, भूषण थोरात,‎ ज्योत्स्ना भिडे, सुरभी देवरे इतर‎ कॅडेट विद्यार्थी हजर होते, अशी‎ माहिती प्रा.डॉ.रागिब देशमुख यांनी‎ कळवले आहे.‎