आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

डिसीजचा प्रादुर्भाव:109 जनावरांमध्ये लम्पी स्किन डिसीजचा प्रादुर्भाव

अकोला3 महिन्यांपूर्वी
  • कॉपी लिंक

जिल्ह्यात १०९ जनावरांमध्ये ‘लम्पि स्किन डिसीज’ या संसर्गजन्य आजाराचा प्रादुर्भाव झाल्याचे आढळून आले आहे. दरम्यान जिल्हा पशुसंवर्धन यंत्रणा सज्ज असून पशुपालकांना सजग राहण्याचे आवाहन करण्यात आले आहे. या आजारासंबंधी १९६२ हा टोल फ्री क्रमांकही जारी करण्यात आला असून पशुपालकांनी त्यावर संपर्क साधावा असे आवाहन जिल्हा पशुसंवर्धन उपायुक्त डॉ. जगदीश बुकतरे यांनी केले आहे. तसेच संसर्गकेंद्रापासून १० किलोमीटर बाधित क्षेत्र घोषित करण्यात आले आहेत.

जिल्ह्यात मौजे निपाना (ता. अकोला) तसेच अकोट व तेल्हारा तालुक्यातील जनावरांमध्ये या आजाराचा प्रादुर्भाव झाल्याचे आढळून आले आहे. जिल्ह्यात सद्यस्थितीत १०९ जनावरांना या आजाराची लागण झाली असल्याचे प्रथमदर्शनी निदर्शनास आले आहे. त्यांचे त्वचेचे खरड व रक्त नमुने पुणे येथे तपासणीसाठी पाठविण्यात आले आहेत.

लम्पि स्किन डिसीज हा आजार बाह्य किटकाद्वारे पसरतो. संसर्ग झाल्यास जनावरांना मध्यम स्वरुपाचा ताप २ ते ३ दिवस असतो. काही वेळा १०५ ते १०६ फॅ. इतकाही ताप असू शकतो. ताप येऊन गेल्यानंतर शरीरावर २ ते ५ से.मी. आकाराच्या गाठी येतात. तोंडात, घशात व श्वसन नलिकेत पुरळ येतात. तोंडातील पुरळामुळे जनावराची लाळ गळत राहते. जनावरात अशक्तपणा, भूक कमी होणे अशी लक्षणे दिसून येतात. अशी लक्षणे दिसून आल्यास पशुपालकांनी जवळच्या पशुवैद्यकीय दवाखान्याशी संपर्क करावा व तात्काळ जनावरास उपचार द्यावे, असे कळवण्यात अाले आहे. हे क्षेत्र बाधित; आहेत प्रतिबंध १) निपाणा (ता. अकोला) येथील एका जनावरामध्ये ‘लम्पि स्किन डिसीज’ या आजाराचा प्रादुर्भाव झाल्याचे अहवाल तपासणी नंतर स्पष्ट झाले आहे. या रोगाचा प्रसार अन्य जनावरांमध्ये जिल्ह्यातील इतर ठिकाणी होण्याची शक्यता लक्षात घेवून संक्रमण व सांसंर्गिक रोप्रतिबंधक व नियंत्रण अधिनियम २००९ नुसार प्राप्त अधिकारानुसार मौजे निपाना या संसर्गकेंद्रापासून १० किलोमिटर बाधित क्षेत्र घोषित केल्याचे आदेश जिल्हाधिकारी निमा अरोरा यांनी निर्गमित केले आहे. २) बाधित क्षेत्रातील जनावरांचे शेड निर्जंतुकीकरण करुन १० किलोमीटर परिघातील परिसरात जनावरांची खरेदी, विक्री, वाहतूक, बाजार, जत्रा व प्रदर्शन आयोजित करणास प्रतिबंध लावण्यात आला. तसेच जिल्हा पशुसवंर्धन विभागाने प्रादुर्भाव भागातील पाच किमी परिघातील जनावरांना गोट पॉक्स लसीकरण तात्काळ करावे, असे निर्देशही जिल्हाधिकारी निमा अरोरा यांनी दिले आहेत.

पशुवैद्यकीय अधिकाऱ्यांच्या ग्रामीण भागात क्षेत्र भेटी
जिल्ह्यातील पशु वैद्यकीय अधिकारी ग्रामीण भागात क्षेत्रभेटी देत आहेत व जनावरांची पाहणी तपासणी करुन पशुपालकांमध्ये जनजागृती करीत आहेत. शुक्रवारी जिल्हा पशुसंवर्धन उपायुक्त डॉ. बुकतरे यांनी शिवापूर (ता. अकोट) येथे भेट देऊन जनावरांची पाहणी व तपासणी केली. शासनाच्या निर्देशानुसार, जिल्ह्यात बाधीत जनावरे आढळलेल्या ठिकाणापासून पाच किमी परिघाच्या क्षेत्रात गोट पॉक्स लसीकरण सुरु केले आहे

बातम्या आणखी आहेत...