कारवाई:मनपासमोर 25 दिवसांत 141 कोटी‎ रुपये मालमत्ता कर वसुलीचे आव्हान‎

चालू आर्थिक वर्ष संपुष्टात येण्यासाठी‎ आता केवळ २५ दिवस राहिले आहेत.‎ या २५ दिवसांत महापालिकेला चालू‎ तसेच थकीत अशी १४१ कोटी‎ रुपयांच्या मालमत्ता कराच्या वसुलीचे‎ आव्हान उभे ठाकले. कराची वसुली‎ वेगाने व्हावी, यासाठी नियमित‎ कर्मचाऱ्यांसोबत विशेष पथकही तयार‎ केले आहे. दरम्यान ज्या नागरिकांकडे‎ मालमत्ता कर थकीत आहे, त्या‎ नागरिकांनी मालमत्ता कराचा भरणा‎ करून मनपाला सहकार्य करावे, असे‎ आवाहन प्रशासनाने केले. मालमत्ता‎ कर हा मनपाचा उत्पन्नाचा महत्त्वाचा‎ स्राेत आहे. त्यामुळे प्रत्येक आयुक्त‎‎‎‎‎‎‎‎‎‎‎‎‎ मालमत्ता कर वसुलीवर लक्ष केंद्रित‎ करत असतात.

यावेळीही आयुक्त‎ तथा प्रशासक कविता द्विवेदी यांनी‎ मालमत्ता कर वसुलीवर लक्ष केंद्रित‎ केले आहे. यासाठी कर वसुली‎ करणाऱ्या नियमित कर वसुली‎ लिपिकासोबतच प्रत्येक झोनमध्ये‎ प्रत्येकी चार विशेष पथके तयार केली.‎ थकीत कराचा भरणा न करणाऱ्यांच्या‎ मालमत्तांना सील लावण्याची कारवाई‎ सुरू आहे. तसेच या मालमत्तांचा‎ लिलाव करण्याचा निर्णय देखील‎ मनपाने घेतला आहे. मनपाला चालू‎ आर्थिक वर्षात १२२ कोटी २५ लाख‎ थकीत तर ७९ कोटी ५९ लाख चालू‎ आर्थिक वर्षातील असा २०१ कोटी ८४‎ लाखांचा कर वसुलीचे उद्दिष्ट होते.‎ आतापर्यंत थकीत करापैकी ३१ कोटी ५‎ लाख रुपये, तर चालू आर्थिक‎ वर्षातील २९ कोटी १८ लाख रुपये असा‎ एकुण ६० कोटी २४ लाख रुपयांचा कर‎ वसूल करता आलेला आहे.‎

दोन हप्त्यांमध्ये कर भरा‎
थकीत करावर दरमहा दोन टक्के‎ म्हणजेच वर्षाला २४ टक्के कर‎ आकारला जातो. त्यामुळे नागरिकांना‎ थकीत कराचा भरणा एकाच वेळी‎ करताना आर्थिक तंगीचा सामना‎ करावा लागतो. ही बाब लक्षात घेऊन‎ थकीत कराचा भरणा दोन हप्त्यात‎ करण्याची सुविधा महापालिकेने‎ उपलब्ध केली आहे.‎