‘लम्पी’चा संसर्ग:जिल्ह्यात 599 पशुपालक‎ मदतीपासून अद्याप वंचित‎

जिल्ह्यात ऑगस्ट २०२२ महिन्यापासून‎ जनावरांमध्ये लम्पी चर्मरोगाच्या‎ प्रादूर्भावाला सुरुवात झाली. सुरुवातीच्या‎ तीन महिन्यात अनेक जनावरांचा‎ लम्पीमुळे मृत्यू झाला. लम्पीने दगावलेल्या‎ पशुंच्या बदल्यात नुकसान भरपाई‎ देण्यासाठी पंचनामे करून आर्थिक‎ मदतही शेतकरी पशू पालकांना देण्यात‎ आली आहे. आतापर्यंत जिल्ह्यात १७०१‎ मयत पशूधनाच्या मोबदल्यात ४ कोटी ९‎ लाख रुपये पशूपालकांना देण्यात‎ आल्याची माहिती पशुसंवर्धन विभागाने‎ दिली आहे. मात्र अद्यापही ५९९ पशूपालक‎ मदतीपासून वंचित आहेत.‎

जिल्ह्यात गेल्या वर्षी लम्पी चर्मरोगाने‎ धुमाकूळ घालत शेतकरी आणि‎ पशूपालकांचे मोठ्या प्रमाणात नुकसान‎ केले आहे. गायी आणि म्हशींच्या‎ उपचारांवर खर्च करूनही शेतकरी पशूंना‎ वाचवू शकले नाहीत. त्यामुळे अनेकांना‎ शेतीला जोडधंदा म्हणून उत्पन्नाचा‎ आधार असलेले पशूधन गमवावे लागले.‎ लाखमोलाची बैल मृत्युमुखी पडल्याने‎ अनेक शेतकऱ्यांवर संकट आले. दरम्यान‎‎‎‎‎‎‎‎‎‎‎‎‎‎‎‎‎‎‎‎‎‎‎‎ मृत झालेल्या पशुंच्या बदल्यात शेतकरी,‎ पशुपालकांना भरपाई देण्यासाठीची रक्कम‎ शासनाने जाहीर केली होती, त्यानुसार‎‎‎‎‎‎‎‎‎‎‎‎‎‎‎‎‎‎‎‎‎‎‎‎ पंचनामे करून शेतकऱ्यांना मदत देण्यात‎ येत आहेत. मात्र अजूनही जिल्ह्यात अनेक‎ शेतकरी मदतीच्या प्रतीक्षेत आहेत.‎

सर्वाधिक मृत्यू अकोट,‎ तेल्हारा तालुक्यात
‎लम्पी चर्मरोगामुळे आतापर्यंत‎ सर्वाधिक मृत्यू हे अकोट आणि‎ तेल्हारा तालुक्यात झालेले आहेत.‎ अकोट तालुक्यात ४९९ पशू दगावले‎ आहेत. तर तेल्हारा तालुक्यात ४४९‎ पशूंचा लम्पीमुळे मृत्यू झाला आहे.‎ त्यानंतर अकोला ३४८, बाळापूर ३३६,‎ बार्शीटाकळी १५८, पातूर २३५,‎ मूर्तिजापूर २७४ असे जनावरे लम्पीमुळे‎ दगावले आहेत.‎

वितरणाची प्रक्रिया सुरू‎
जिल्ह्यात लम्पीमुळे मृत्यू झालेल्या‎ पशूधनाच्या मोबदल्यात पशुपालकांना‎ आर्थिक मदत देण्यात येत आहे.‎ आतापर्यंत ४ कोटींहून अधिक रक्कम‎ दिली . ५६ लाखांची मदत आली . ती‎ वितरीत करण्याची प्रक्रिया सुरू आहे.‎ डॉ. जगदीश बुकतरे, जिल्हा‎ पशुसंवर्धन उपायुक्त, अकोला.‎

अशी दिली मदत‎
२३०० - पशूधनाचा लम्पीमुळे मृत्यू १७०१ -‎ पशूधनाचा मोबदला देण्यात आला ४ कोटी ९‎ लाखांची रक्कम मदत म्हणून देण्यात आली.‎

मदत देणे बाकी‎
५९९ मृत पशूंचा मोबदला देणे अद्याप बाकी‎ आहे. ५६ लाख रुपयांची रक्कम प्राप्त‎ झाली आहे.‎
अशी दिली मदत‎ २३०० - पशूधनाचा लम्पीमुळे मृत्यू १७०१ -‎ पशूधनाचा मोबदला देण्यात आला ४ कोटी ९‎ लाखांची रक्कम मदत म्हणून देण्यात आली.‎