धरपकड:अकोट फैल दंगलप्रकरणी‎ 70 दंगेखोरांवर गुन्हे दाखल‎, 10 आरोपींना तीन दिवसांची पोलिस कोठडी‎

मंगळवारी २ मे राेजी रात्री पूर्व‎ वैमनस्यातून दोन गटांत दंगल उसळली‎ होती. त्या वेळी झालेल्या दगडफेकीत‎ अनेक वाहनांचे नुकसान झाले होते.‎ पोलिसांनी रात्री उशिरापर्यंत दंगेखोरांची‎ धरपकड सुरू केली होती.

यामध्ये रात्री‎ उशिरापर्यंत दहा आरोपींना पोलिसांनी‎ अटक करीत बुधवारी ३ मे राेजी‎ न्यायालयात हजर केले होते.‎ न्यायालयाने नऊ जणांना तीन‎ दिवसांची पोलिस कोठडी सुनावली‎ आहे तर एक आरोपी अल्पवयीन‎ असल्याने त्याला रिमांड होममध्ये‎ पाठवण्यात आले.‎

झमझम स्टोअर्स आणि शंकर नगर‎ परिसरात मंगळवारी रात्री दोन‎ भागातील काही तरुणांमध्ये हाणामारी‎ झाली. त्यामुळे परिसरात दहशतीचे‎ वातावरण तयार झाले होते. त्यानंतर‎ दंगल उसळली. या दंगलीत दोन्ही‎ गटांनी एकमेकांवर दगडफेक करून कंपाऊंडच्या‎ गेटवर आणि संकुलातील घरांचे‎ दरवाजे खिडक्यांना लक्ष्य करत‎ घराबाहेर उभ्या असलेल्या‎ वाहनांची तोडफोड केली.‎ या घटनेची माहिती मिळताच‎ पोलिस अधीक्षक संदीप घुगे यांनी‎ घटनास्थळ गाठून परिस्थिती‎ नियंत्रणात आणली होती.‎

यादरम्यान अकोट फैल पोलिस‎ ठाण्याचे पोलिस निरीक्षक महेंद्र‎ कदम यांच्यासह शहरातील इतर‎ पोलिस स्टेशन प्रभारी यांनी‎ आपल्या पथकासह धाव घेत‎ परिस्थितीवर नियंत्रण मिळवले.‎ दंगेखोरांच्या शोधात मंगळवारी‎ रात्री उशिरापर्यंत शोधमोहीम सुरू‎ असताना पोलिसांनी दहा‎ आरोपींना अटक केली.‎ या आरोपींना बुधवारी‎ न्यायालयात हजर केले असता,‎ त्यांना शुक्रवार ५ मेपर्यंत पोलिस‎ कोठडीत ठेवण्याचे आदेश‎ न्यायालयाने दिले आहेत.‎ याप्रकरणी सर्व आरोपींवर‎ दंगलीचा गुन्हा दाखल करण्यात‎ आला आहे. या घटनेचा तपास‎ पोलिस उपनिरीक्षक नितीन सुशिर‎ यांच्याकडे सोपवण्यात आला‎ आहे.‎

या दंगेखोरांना केली अटक‎

पोलिसांनी मंगळवारी रात्री उशिरा‎ आणि बुधवारी सकाळी दहा‎ आरोपींना अटक केली. शेख रईस‎ शे.राशीद, अजय रमेश राऊत,‎ सो.खान अझर खान, दर्शन सूरज‎ उजैनवाल, स्वप्नील बसवंत वानखडे,‎ विनोद नागोराव पुंडगे, नागेश भरत‎ भगत, मो.शाकीर ए.राशीद, शे.साबीर‎ शे.ताबीद यांचा आरोपींमध्ये समावेश‎ आहे.

एक आरोपी अल्पवयीन‎ असल्याने त्याला रिमांड होममध्ये‎ पाठवण्यात आले. तर सचिन मुकुंद‎ बलखंडे हा सध्या फरार आहे.‎ पोलिसांनी या आरोपींविरुद्ध भादंवि‎ कलम १४३, १४७, १४८, १४९,‎ ३२३,३२४, ३३७, ५०४, ४२७ सह‎ कलम ४,२५आर्म अ‍ॅक्ट, सह कलम‎ फौजदारी दुरुस्ती कायदा कायद्यान्वये‎ या आरोपींसह अन्य ६० ते ७० जणांवर‎ गुन्हा दाखल करण्यात आला आहे.‎