आवाहन:अकाेल्यात 151 दिंडी, देखाव्यांसह निघणार शोभायात्रा‎

श्रीरामनवमी शोभायात्रा समितीद्वारे मागील ४०‎ वर्षांपासून श्रीरामनवमीनिमित्त शोभायात्रेचे‎ आयोजन केले जाते. गुरुवारी, ३० मार्चला‎ आयोजित शोभायात्रेत १५१ दिंडी, देखाव्यांसह‎ धर्मप्रेमी नागरिक सहभागी होणार असून,‎ श्रीरामनवमनीनिमित्त सव्वालाख रुद्राक्षाचे‎ वितरण करणार आहे.‎ धर्म, संस्कृती, अध्यात्म, राष्ट्रीय एकात्मतेचे‎ दर्शन श्रीरामनवमी शोभायात्रेच्या निमित्ताने होते.‎ विश्व हिंदू परिषद, श्रीरामनवमी शोभायात्रा‎ समितीच्या वतीने शोभायात्रेची जय्यत तयारी सुरू‎ आहे.

शनिवारी, १८ मार्चला राणीसती धाम येथे‎ देखावे, दिंडी समितीची बैठक आयोजित केली‎ असून, १५१ देखावे, दिंडीचा सहभाग शोभायात्रेत‎ राहणार आहे. श्रीरामनवमी शोभायात्रा समितीच्या‎ वतीने सव्वालाख रुद्राक्षाचे वितरण‎ गुडीपाढव्याला मुख्य चौकांमध्ये केले जाणार‎ आहे.‎‎‎‎‎‎‎‎ त्यापूर्वी सोमवारी, २० मार्चला सकाळी ९‎ वाजता श्रीराम मंदिर येथे वितरण करण्यात‎ येणाऱ्या रुद्राक्षाचे पूजन आयोजित केले आहे.‎

महाराणा प्रताप चौक अर्थात सीटी कोतवाली‎ चौकात श्रीरामनवमी शोभायात्रा समितीद्वारा‎ उभारण्यात येणाऱ्या देखाव्यांचे दरवर्षी विशेष‎ आकर्षण असते. यावर्षीही येथे ‘कण-कण में‎ राम'' हा देखावा उभारण्यात येणार असून,‎ बुधवारी, २२ मार्चला सायंकाळी ५ वाजता‎ देखाव्यांच्या स्थानाचे भूमिपूजन तर सोमवारी, २७‎ मार्चला सायंकाळी ५ वाजता देखाव्यांचे‎ उद्घाटन केले जाईल. श्रीरामनवमी शोभायात्रा‎ समितीच्या वतीने रविवारी, २६ मार्चला‎‎‎‎‎‎‎‎ खंडेलवाल भवन येथे रामायणातील विविध‎ प्रसंगावर आधारित सांस्कृतिक कार्यक्रमांचे‎ आयोजन दुपारी ४ ते ६ या वेळेत केले आहे.‎

श्रीरामनवमी शोभायात्रा समितीच्या वतीने‎ आयोजित विविध कार्यक्रम, उपक्रम आणि‎ शोभायात्रेत नागरिक बंधू-भगिनींनी सहभागी‎ व्हावे, असे आवाहन सर्वसेवाधिकारी आमदार‎ गोवर्धन शर्मा, शोभायात्रा समितीचे अध्यक्ष‎ रामप्रकाश मिश्रा, ‘विहिंप’चे राहुल राठी, गणेश‎ काळकर, सुरज भगेवार, प्रकाश लोढिया, सुनील‎ पसारी, प्रकाश घोगलिया, गजानन दाळू, डॉ.‎ अभय जैन, डॉ. प्रवीण चव्हाण हरिओम पांडे,‎ कृष्णा शर्मा, मनीष बाछुका, नवीन गुप्ता, सुरेश‎ कुलकर्णी, प्रताप वीरवाणी, नितीन जोशी, संदीप‎ वाणी, नीलेश पाठक, संदीप निकम, सुरेश‎ कुलकर्णी, सुरेंद्र जयस्वाल, सुधाकर बावस्कार,‎ अमर कुकरेजा, आशिष भीमजियानी, कृष्णा‎ सिसोदिया, संजय दुबे, बाळकृष्ण बिडवाई, नितीन‎ जोशी, विलास अनासाने, किशोर पाटील, वसंत‎ बाछुका, हेमंत सरदेशपांडे, दीपक बजाज, ज्योती‎ टोपले, रेखाताई नालट, दुर्गा जोशी, कमला‎ भोबळे, आशा ईचे, लक्ष्मी अकोटकर, कमला‎ सोनटक्के, विमल नाचवणे, पुष्पा वानखेडे,‎ साधना येवले, छाया तोडसे, संतोषी शर्मा,‎ सारिका देशमुख, मालती रणपिसे, मनीषा भुसारी,‎ चित्रा बापट, अश्विनी सुजदेकर यांनी केले आहे.‎ वर्षप्रतिपदा अर्थात गुडीपाडवा ते रामनवमी या‎ कालावधीत कार्यक्रम, उपक्रमाचे आयोजन‎ समितीच्या वतीने केलेआहे. या कार्यक्रमात‎ सहभागी होत श्रीराम जन्मोत्सव उत्साहात साजरा‎ करावा श्रीरामनवमीला नागरिकांनी रोषणाईसह‎ दीपोत्सव साजरा करावा, असे आवाहन‎ श्रीरामनवमी शोभायात्रा समितीने केले आहे.‎