आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

विद्युत पुरवठा, पीक विमा माेबदल्यासाठी शेतकरी काढणार रूमणे माेर्चा:जिल्ह्यातून 10 हजार शेतकरी महावितरणवर धडकणार

अकोलाएका महिन्यापूर्वी
  • कॉपी लिंक

जिल्ह्यातील कृषी पंपाना दिवसा विद्युत पुरवठा करण्यात यावा आणि पीक विम्या याेजनेअंतर्गत तातडीने पुरेसा माेबदला मिळावा, यासाठी 16 जानेवारी राेजी शेतकऱ्यांचा रूमणे माेर्चा निघणार असल्याची माहिती शिवसेनेतर्फे बुधवारी पत्रकार परिषदेत देण्यात आली.

जिल्ह्यातून जवळपास 10 हजारांवर शेतकरी महावतरण कंपनीच्या कार्यालयावर धडकणार असल्याचेही सांगण्यात आले. पत्रकार परिषेदला प्रामुख्याने सहसंपर्क प्रमुख सेवकराम ताथाेड, जिल्हा प्रमुख तथा आमदार नितीन देशमुख, जिल्हा प्रमुख गाेपाल दातकर यांनी संबाेधित केले.

पूर्वि विदर्भात कृषी पंपांना दिवसा 12 तास विद्युत पुरवठा हाेताे. मात्र पश्चिम विदर्भात 8 तास विद्युत पुरवठा हाेताे. तेही चार दिवस रात्री-संध्याकाळी व तीन दिवस दिवसा पुरवठा हाेताे. त्यामुळे पूर्व िवदर्भाप्रमाणेच पश्चिम विदर्भातही दिवसा पुरेसा विद्युत पुरवठा करण्यात यावा, अशी मागणी आमदार देशमुख यांनी केली.

उपमुख्यमंत्री फडणवीस व भाजपवर निशाणा

शेतकऱ्यांप्रति जिव्हाळा, आत्मियता असल्यास जिल्ह्यातील भाजप आमदारांनी शेतकऱ्यांच्या माेर्चात सहभागी व्हावे, असे म्हणत आ. देशमुख यांनी भाजपला काेंडीत पकडले.

राज्याचे उपमुख्यमंत्री देवेंद्र फडणवीस हेच ऊर्जा मंत्री व अकाेल्याचे पालकमंत्रीही आहेत. शेतकऱ्यांना न्याय देणे, हे तर पालकमंत्र्यांचे कर्तव्यतच असते, असेही आ. देशमुख म्हणाले.

आधी विधीमंडळात आता रस्त्यावर

  • पीक विमा आणि दिवसा विद्युत पुरवठ्याच्या मुद्दावर विधिमंडळाच्या हिवाळी अधिवेशात मी आवाज उठवला. शेतकऱ्यांच्या मुद्दावर सरकारला प्रश्न विचारले. मात्र त्यातून ठाेस निर्णय सरकारकडून घेण्यात आला नसल्याने आता थेट रस्त्यावर उतरणार असल्याचे आ. देशमुख म्हणाले.
  • ओला दुष्काळ, सततच्या पावसाने पीकांचे प्रचंड नुकसान झाल्यानंतरही सरकारकडून शेतकऱ्यांना न्याय िमळाला नाही. पीक विमा याेजनेअंर्तगत प्रिमियम म्हणून पाेटी 130 काेटी रुपये भरण्यात आले. मात्र केवळ तक्रार करणाऱ्या शेतकऱ्यांना 40 काेटी रुपये नुकसान भरपाई मिळाली.
  • सततचा पाऊस व अतिवृष्टीमुळे 25 टक्के अग्रीम रक्कम संबंधित शेतकऱ्यांच्या खात्यात जमा करण्याचा आदेश देण्यात आला. मात्र मदत मिळाली नाही. हे प्रकरण सध्या केंद्र सरकारकडे प्रलंबित असून याेजनेबाबत शिवसेनेच्या पूर्वीच्या कृषी मंत्र्यांनी सुचल्यानुसार कंपनीला ‘नफा-ताेटा 10 टक्के’ या तत्वानुसार सरकारने निर्णय घ्यावा, असे आवाहनही आ. देशमुख यांनी केले.

अशी आहे तयारी

शेतकऱ्यांच्या माेर्चासाठी शिवसेनेने पुढाकार घेतला आहे. माेर्चासाठी तालुक्यातील प्रमुख गावांमध्ये शाखा प्रमुखापासून ते तालुका प्रमुख व काही ठिकाणी उपजिल्हा प्रमुख बैठका घेणार आहेत. शेतकरी हातात रूमणे, ट्रॅक्टर घेऊन सहभागी हाेणार आहेत.

बातम्या आणखी आहेत...