कृषी:उन्हाळी ज्वारी पेरण्याकडे शेतकऱ्यांचा कल‎, गहू, हरभऱ्यापेक्षा ज्वारी फायदेशीर

सध्याच्या काळात शेती बिन‎ भरवशाची झाली आहे. कधी कमी ‎पाऊस तर कधी अतिवृष्टी, कधी‎ वादळी पाऊस, गारपीट व अन्य‎ नैसर्गिक संकटामुळे जोपर्यंत‎ शेतातील पीक घरी येत नाही तोपर्यंत ‎काय होईल? काहीही सांगता येत‎ नाही. तुलनेने रब्बी हंगामातील पिके खात्रीशीर असतात. त्यातही गतवर्षीपासून गहू हरभऱ्याला फाटा‎ देऊन शेतकरी उन्हाळी ज्वारी‎ पिकाचा प्रयोग करीत आहे.

त्यामध्ये‎ ते यशस्वी झाल्याने गहू, हरभऱ्यापेक्षा‎ पेक्षा ज्वारी फायदेशीर आहे असे मत‎ शेतकरी व्यक्त करत आहेत. तालुक्यातील शेती काळी कसदार‎ व सुपीक आहे. या जमिनीमध्ये‎ कोणतेही पीक चांगल्या प्रकारे येऊ‎ शकते, अशी तज्ञांचे मत आहे. पण‎ गेल्या काही वर्षांपासून अवर्षण,‎ अतिवृष्टी, अवकाळी पाऊस ,वादळ‎ वारा, गारपीट व अन्य नैसर्गिक‎ संकटांमुळे व सोबतच बदलत्या‎ वातावरणामुळेशेती बिन भरवशाची झाली आहे.

तालुक्यातील पिके

तालुक्यात प्रामुख्याने‎ कपाशी सोयाबीन मूग, उडीद, तीळ आदी पिके पावसाळी‎ पिकांमध्ये घेतल्या जातात तर वेगवेगळ्या प्रकारच्या‎ भाजीपाला, केळी, संत्रा, मोसंबी, डाळिंब , व टरबूज‎ खरबूज याचीही शेती तुरळक प्रमाणात दिसून येते.‎

तालुक्यात खारपाणपट्ट्याचा परिसर वगळल्यास उर्वरित‎ भागात भूगर्भात पाण्याची पातळी बऱ्यापैकी आहे. त्यामुळे‎ ज्यांच्याकडे सिंचनाची सोय आहे ,असे शेतकरी रब्बी‎ पिके घेतात तर काही शेतकरी वान धरणाच्या पाण्यावर‎ गहू, हरभरे पेरतात. पण गेल्या काही दिवसापासून‎ नैसर्गिक संकटांमुळे गहू, हरभऱ्याच्या पिकांना उत्पादन‎ खर्चापेक्षा उत्पन्न कमी येत आहे, अशा प्रकारची स्थिती‎ आहे.

ज्वारीची पेरणी ठरली फायद्याची

मागीलवर्षी तालुक्यातील‎ शेतकऱ्यांनी उन्हाळी ज्वारीची पेरणी केली, ती फायदेशीर‎ ठरली. त्यामुळे यावर्षी उन्हाळी ज्वारी लागवडीचे प्रमाण‎ मोठ्या प्रमाणात वाढले आहे. एका एकरामध्ये वीस ते‎ पंचवीस क्विंटल ज्वारीचे पीक होत असल्याने तसेच‎ गुरांच्या चाऱ्यासाठी लागणारा कडबा एका एकरात‎ साधारणपणे पाचशे पेंड्या निघतो.

लागवडीचा‎ खर्च हा कडब्यामध्ये निघतो तर ज्वारी पूर्णपणे नफ्यात‎ राहते. यावर्षी ज्वारीला तीन हजार रुपये प्रति क्विंटलचा‎ भाव मिळत आहे व झडती देखील चांगली आहे. त्यामुळे‎ यावर्षीपेक्षाही पुढील वर्षी ज्वारीचा फेरा आणखी‎ वाढण्याची शक्यता आहे.‎