हिरमोड:पौर्णिमेच्या चंद्रप्रकाशातील प्राणिगणनेवर पावसाचे सावट‎, ढगाळ वातावरणात प्राणी दर्शन दुर्लभ, वन्यप्रेमींमध्ये नाराजी

अकोला‎ सामान्य नागरिकांना निसर्ग, प्राणी‎ यांच्याबद्दल जागरुकता निर्माण‎ करण्यासाठी दरवर्षी बुद्ध पौणिर्मेला वन‎ विभागाकडून निसर्ग अनुभव उपक्रमाचे‎ आयोजन करण्यात येते. पौर्णिमेच्या‎ चंद्राच्या प्रकाशात मचाणावरून हा‎ अनुभव घेण्यासाठी वन्यप्रेमी आतुर‎ असतात.

मात्र, यंदा निसर्ग अनुभव‎ उपक्रमावर पावसाचे संकट आहे. तसेच‎ जंगलातील अंतर्गत पाण्याचे स्त्रोत‎ अवकाळी पावसामुळे भरले असण्याची‎ शक्यता आहे. त्यामुळे जंगलाच्या‎ बाहेरील आवारात प्राण्याचे दर्शन दुर्लभ‎ होणार आहे.‎

पावसाचा जोर कायम

अकोला वन विभागांतर्गत काटेपूर्णा‎ वन्यजीव अभयारण्य, कारंजा सोहळ‎ वन्यजीव अभयारण्य, तसेच बुलडाणा‎ ज्ञानगंगा, लोणार, बोथा येथील‎ परिसरात मचाणांची व्यवस्था करण्यात‎ आली आहे. दरवर्षीपेक्षा यावर्षी‎ मचाणांची संख्या कमी आहे. यामुळे‎ कमी लोकांना या निसर्ग अनुभवाचा‎ आनंद घेता येणार आहे. त्यात‎ पावसामुळेही व्यत्यय निर्माण होतो‎ आहे.‎

मागील काही दिवसांमध्ये पावसाचा‎ जोर कायम आहे. अशात पौर्णिमेच्या‎ रात्री पावसाची किंवा ढगाळ‎ वातावरणाची शक्यता आहे. पावसाचे‎ वातावरण राहिल्यास चंद्र निघणार‎ नाही. ढगाळ वातावरणात प्राणी दर्शन‎ शक्य नाही. तसेच सध्या वादळी पाऊस‎ पडतो आहे. अशात रात्रभर मचाणावर‎ काढणे अवघड ठरणार आहे.‎

जागा कमी; वन्यप्रेमींमध्ये नाराजी‎

यावर्षी सामान्य नागरिकांचा कोटा कमी करण्यात‎ आला आहे. परिणामी फार कमी लोकांना निसर्ग‎ अनुभव उपक्रमात सहभागी होता येणार आहे.‎ याशिवाय काही ठिकाणी मचाण उभारण्यात‎ आलेल्या नाहीत. याबद्दल वन्यप्रेमिंकडून नाराजी‎ व्यक्त करण्यात येत आहे.‎

प्राण्याचे दर्शन विरळ‎

कधी नव्हे मे महिन्यात जोरदार‎ पाऊस होत आहे. मे महिन्यात‎ सर्वसाधारणत: जंगलातील स्त्रोत‎ कमी होतात. पशू-पक्षी पाण्याच्या‎ शोधात भटकंती करतात.‎ पानगळीमुळे दूरवर सायटींग शक्य‎ होते. मात्र, यंदा परिस्थिती पू्र्णत:‎ भिन्न आहे. यामुळे प्राण्यांचे‎ सायटींग कमी होऊ शकते.‎ प्राणी-गणनेमध्ये सहभागी‎ होणाऱ्यांनी पावसाची योग्य‎ खबरदारी घ्यावी. बचावासाठी‎ आवश्यक साहित्य सोबत ठेवावे.‎ - गोविंद पांडे, वन्यजीव‎ अभ्यासक‎