क्राईम:आईला वाचवताना झटापट;‎ मुलाकडून बापाचा खून‎, 18 वर्षीय मुलाविरूद्ध खुनाचा गुन्हा दाखल‎

‎ मद्यधुंद अवस्थेत असलेल्या वडिलाने ‎आईच्या डोक्यात दगड टाकून तिला ‎मारण्याचा प्रयत्न केला. मुलाने‎ रोखण्याचा प्रयत्न केला असता‎ झटापटीत तोच दगड वडिलाच्या‎ डोक्याला लागल्याने वडिलांचा‎ जागीच मृत्यू झाला.

ही घटना शुक्रवारी ‎दुपारी कृषीनगरात घडली.‎ किशोर विश्राम पाईकराव वय ४०‎ असे मृतकाचे नाव आहे. तर‎ जितेंद्रकुमार किशोर पाईकराव असे ‎पोलिसांनी अटक केलेल्या मुलाचे नाव ‎आहे.

नक्की काय घडले?

या मुलाने नुकतेच वयाची १८ वर्षे‎ पूर्ण केली आहे. किशोर विश्राम याला ‎दारूचे व्यसन होते. त्याच्या ‎व्यसनाधीनतेला कंटाळून आणि‎ त्याचा कुटुंबाला कोणताही आधार‎ नसल्याने पत्नी माया किशोर पाईकराव‎ ही मंगरूळपीर तालुक्यातील इचोरी‎ येथून आपल्या दोन मुलांना घेऊन‎ अकोल्यातील कृषीनगरमध्ये राहायची.‎ मुलगा जितेंद्रकुमार हा बारावीचे‎ शिक्षण घेत होता. तर दुसरा मुलगा‎ दहावीत शिकत आहे.

आई ही‎ गोयनका होस्टेलमध्ये सहा हजार रूपये‎ महिन्याने काम करायची. त्यात मुलांचे‎ शिक्षण आणि खोलीभाडे असा‎ कुटुंबाचा गाडा ती ओढत होती. त्यातच‎ कधीकधी पती किशोर पाईकराव हा‎ अकोल्याला यायचा आणि दारू‎ पिऊन पत्नी आणि मुलांना मारझोड‎ करीत असे. चार-पाच दिवसांपूर्वी तो‎ पत्नी व मुलांकडे आला होता.

दारू पिऊन मारहाण

बुधवारी दुपारी दारू पिऊन‎ त्याने पत्नी आणि मुलांना मारझोड केली व तो मोठा‎ दगड घेऊन पत्नीच्या मागे लागला. आईच्या डोक्यात‎ वडिल दगड घालणार तोच मुलगा जितेंद्रकुमार याने‎ धावत जावून तो अडवण्याचा प्रयत्न केला असता‎ झटापटीत तोच दगड वडिलांच्या डोक्याला लागला.‎ भरदुपारचे ऊन आणि दारू प्यायलेला असल्याने‎ वडिलांचा जागीच मृत्यू झाला.

वडिलांचा मृत्यू‎ झाल्याचे पाहून घाबरलेल्या मुलाने रक्ताने माखलेल्या‎ दगडावर पाणी टाकले होते. या घटनेची माहिती‎ मिळताच सिव्हिल लाइन्स पोलिस ठाण्याचे ठाणेदार‎ भाऊराव घुगे हे घटनास्थळी पोहाेचले. त्यांनी मुलाला‎ ताब्यात घेत अटक केली. पोलिसांनी या मुलाविरूद्ध‎ आता बापाच्या मृत्यूप्रकरणी भादंविचे कलम ३०२, २०१‎ नुसार गुन्हा दाखल केला आहे.‎

मृत्यू झाला तर दुसरा गंभीर जखमी झाला. या घटनेची‎ माहिती मिळताच सिव्हील लाईन पोलिस स्टेशनचे‎ पोलिस निरीक्षक भाऊराव घुगे, अकोला पोलिसांचे‎ स्थानिक गुन्हे शाखेचे पथक घटनास्थळी दाखल‎ झाले होते. गेल्या दहा महिन्यांपूर्वी विनोद वामन‎ टोंबरेंवर (वय ३५, पंचशील नगर, खरप, अकोला)‎ याची हत्या करण्यात आली होती. त्या‎ हत्याकांडातूनच हे हत्याकांड घडल्याची चर्चा होती.‎

पती गेला जीवाने तर‎ मुलगाही जेलमध्ये‎
दारूने पाईकराव कुटुंब उद्धवस्त‎ केल्याची घटना घडल्याने परिसरात‎ हळहळ व्यक्त केली. दारूच्या नशेत‎ वडिलाने आईला मारझोड करत‎ तिच्यामागे दगड घेऊन लागल्यानेच‎ मुलगा आडवा आला आणि त्याच्या‎ हातून झटापटीत हे कृत्य घडले.‎ सुखाने जगण्यासाठी अकोल्यात‎ आलेल्या आईने पतीलाही गमावले‎ आणि मुलालाही आता डोळ्यादेखत‎ पोलिस घेऊन गेल्याचे पाहण्याची‎ वेळ तिच्यावर आली आहे.‎