आता शांतता:अकोला दंगलीप्रकरणी 30 जणांना अटक, गृहमंत्री देवेंद्र फडणवीसांनी घेतली परिस्थितीची माहिती

अकोल्यात शनिवारी रात्री उसळलेल्या दंगलीनंतर ३० जणांना अटक करण्यात आली असून राज्याचे गृहमंत्री देवेंद्र फडणवीस यांनी प्रकरणाची सविस्तर माहिती घेतली.

नक्की प्रकरण काय?

शहरातील जुने शहर पोलिस ठाण्याअंतर्गत दोन गटांमध्ये रात्री दंगल उसळली. या दंगलीत रस्त्यावर उभ्या वाहनांची तोडफोड करण्यात आली, तर दुसरीकडे दगडफेकही सुरू होती. रात्री उशिरापर्यंत पोलिस दंगल नियंत्रणात आणण्याचे प्रयत्न करीत होते. या दगडफेकीत काही नागरिकही जखमी झाले.

तणावाच्या ठिकाणी कलम 144 लागू करण्यात आले आहे. खबरदारीचा उपाय म्हणून शहरात राज्य राखीव दलाच्या दोन तुकड्याही तैनात करण्यात आल्या आहेत. याशिवाय वाशिममधून अतिरिक्त कुमकही मागवण्यात आली आहे. शहरात शांतता रहावी, यासाठी पोलिसांचे प्रयत्न सुरू आहेत.

फडणवीसांनी घेतली माहिती

अकोल्यात शनिवारी रात्री उसळलेल्या दंगलीनंतर राज्याचे गृहमंत्री आणि जिल्ह्याचे पालकमंत्री देवेंद्र फडणवीस हे सतत पोलिस महासंचालक तसेच अकोला पोलिसांच्या संपर्कात आहेत. तसेच दंगलप्रकरणी आतापर्यंत ३० जणांचा अटक करण्यात आली आहे.

संबंधित वृत्त

अकोला शहरात दोन गटांमध्ये दंगल:दगडफेक, अनेक वाहनांची तोडफोड; पोलिस वाहनांवरही दगड-विटांचा मारा, जुन्या शहरात नाकेबंदी

​​​​​​​शहरातील जुने शहर पोलिस ठाण्याअंतर्गत दोन गटांमध्ये रात्री दंगल उसळली. या दंगलीत रस्त्यावर उभ्या वाहनांची तोडफोड करण्यात आली, तर दुसरीकडे दगडफेकही सुरू होती. रात्री उशिरापर्यंत पोलिस दंगल नियंत्रणात आणण्याचे प्रयत्न करीत होते. या दगडफेकीत काही नागरिकही जखमी झाले.​​​​​​​वाचा सविस्तर