शासनाचे निर्देश‎:मूर्तिजापुरात आनंदाचा शिधा वितरणास प्रारंभ‎

राज्यातील सर्व पात्र‎ लाभार्थ्यांसाठी गुढीपाडवा व डॉ.‎ बाबासाहेब आंबेडकर यांच्या जयंतीनिमित्त‎ आनंदाचा शिधा वाटप करण्याचे निर्देश‎ शासनाने दिले होते. त्यानुसार शहरातील‎ वाॅर्ड क्रमांक १२ येथील गजानन बोर्डे‎ यांच्या स्वस्त धान्य दुकानातून डॉ.‎ बाबासाहेब आंबेडकर यांच्या जयंतीनिमित्त‎ आनंदाचा शिधा वस्तूचे वाटप करण्यास‎ प्रारंभ केला.‎ यावेळी तहसीलदार प्रदीप पवार,‎ निरीक्षण अधिकारी चैताली यादव, पुरवठा‎ निरीक्षक भावना दताळे, गोदाम‎‎‎‎‎‎ व्यवस्थापक दीपक साळोकार, अ. का.‎ संदीप गावंडे यांची प्रमुख उपस्थिती होती.‎

सार्वजनिक वितरण व्यवस्थेअंतर्गत‎ मूर्तिजापूर तालुक्यातील अंत्याेदय अन्न‎ योजना, प्राधान्य कुटुंब योजना एपीएल‎ (केशरी) शेतकरी योजनेतील लाभार्थी‎ असा एकूण ४१ हजार १८९‎ शिधापत्रिकाधारकांना डॉ. बाबासाहेब‎ आंबेडकर जयंतीनिमित्त व गुढीपाडव्या‎ निमित्ताने साखर, हरभरा डाळ, रवा व‎ पामतेल प्रत्येकी १ किलो प्रमाणे देण्यात‎ येणार आहे. आनंदाचा शिधा डॉ.‎ बाबासाहेब आंबेडकर व गुढीपाडवा किट‎ प्रति शिधापत्रिका प्रणालीद्वारे प्रति संच १००‎ दराने संबंधित लाभार्थ्यांना वितरण‎ करण्यात येणार आहे. तालुक्यातील १६३‎ स्वस्त धान्य दुकानातून या किटचे वितरण‎ करण्यात येणार आहे. या वेळी पुरवठा‎ विभागाचे अधिकारी कर्मचारी संबंधित‎ स्वस्त धान्य दुकानाचे लाभार्थी उपस्थित‎ होते.‎