कर्मचाऱ्यांना करावी लागली धावपळ‎:आणि ‘ ती’ फुटलेली माेठी‎ जलवाहिनी निघाली शेतकऱ्याची‎

शहराला पाणी पुरवठा करणारी ६००‎ मिलीमीटरची जलवाहिनी फुटल्याची माहिती‎ पाणी पुरवठा विभागाला मिळाल्यानंतर ‎अधिकाऱ्यांनी धावपळ केली. या वाहिनीचा‎ पाणी पुरवठा बंद करण्याचा निर्णयही घेतला‎ होता. मात्र फुटलेली जलवाहिनी ही शहराला‎ पाणी पुरवठा करणारी नसून, ही जलवाहिनी‎ एका शेतकऱ्याची आहे, हे समोर आल्यानंतर ‎अधिकाऱ्यांनी हुश्श केले. मात्र या दरम्यान अधिकाऱ्यांना चांगलीच धावपळ करावी‎ लागली.‎ अकोला पाणी पुरवठा योजनेचे‎ जलशुद्धीकरण केंद्र अकोल्यापासून ३२ ‎किलोमीटरवरील महान येथे आहे. महान ‎ जलशुद्धीकरण केंद्रातून ६०० मिली मीटर,९०० ‎मिलीमीटरच्या जलवाहिनीतून जलकुंभांना‎ पाणी पुरवठा केला जातो. ६०० मिलीमीटरची ‎ जलवाहिनी १९७८ मध्ये टाकलेली आहे.‎ त्यामुळे ही जलवाहिनी आता क्षतिग्रस्त होत ‎चालली आहे. परिणामी थोडा अधिक दाब‎ वाढला की जलवाहिनी फुटण्याचे प्रकार गेल्या‎ काही महिन्यांपासून हाेत आहेत. आताही पाणी‎ पुरवठा विभागाने ६०० मिलीमीटरच्या‎ जलवाहिनीवरील लिकेज दुरुस्तीचे काम हाती‎ घेतले होते. पाच ते सहा ठिकाणी जलवाहिनी‎ दुरुस्तीची कामे आहेत. या अनुषंगाने पाणी‎ पुरवठा विभागाने बार्शिटाकळी शहरालगत‎ मुख्य जलवाहिनीवरील अवैध नळजोडण्या‎ तोडण्याची मोहीम सुरू केली आहे. या‎ मोहिमेसाठीच अकोल्यावरुन निघालेल्या‎ कंत्राटदारांस कान्हेरी सरप जवळ जलवाहिनी‎ फुटलेली आढळून आली. संबंधित‎ कंत्राटदाराने पाण्याचा अपव्यय होवू नये,‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎ यासाठी जलवाहिनी फुटल्याची माहिती पाणी‎ पुरवठा विभागातील अधिकाऱ्यांना दिली.‎ अधिकाऱ्यांनी धावपळ करीत कान्हेरी सरप‎ गाठले. या दरम्यान सुरू असलेला पाणी‎ पुरवठा बंद करण्याच्या सूचनाही देण्यात‎ आल्या. मात्र प्रत्यक्ष जलवाहिनी फुटलेल्या‎ ठिकाणी गेल्यानंतर ही फुटलेली जलवाहिनी‎ महापालिकेची नसून, ती एका शेतकऱ्याची‎ असल्याचे समोर आले. फुटलेली जलवाहिनी‎ शहराला पाणी पुरवठा करणारी नसून,‎ शेतकऱ्याची आहे, हे निश्चित झाल्यानंतर‎ पाणी पुरवठा विभागातील अधिकारी,‎ कर्मचाऱ्यांनी सुटकेचा श्वास सोडला. मात्र या‎ दरम्यान अधिकाऱ्यांची धावपळ झाली.‎