चौकशी:राष्ट्रीय महामार्गावरील एटीएम‎ फोडण्याचा प्रयत्न; आरोपी गजाआड‎

येथील राष्ट्रीय महामार्गावरील खवले‎ हार्डवेअरला लागून असलेल्या‎ हिताची कंपनीचे एटीएम फोडण्याचा‎ प्रयत्न चोरट्यांनी रविवारी १२ मार्चच्या‎ रात्री १२ वाजताच्या सुमारास अज्ञात‎ चोरट्यांनी केला. परंतु हार्डवेअरच्या‎ संचालकांना याची चाहूल लागताच ते‎ खाली उतरत असतानाच चोरटे पसार‎ झाले होते. घटनास्थळावरील‎ पुराव्याच्या आधारे स्थानिक गुन्हे‎ शाखेने दहा तासाच्या आतच‎ आरोपीला अटक केली.

त्याने गुन्ह्याची‎ कबुली दिली आहे.‎ मोहन खवले यांचे हार्डवेअरचे‎ दुकान आहे. हार्डवेअरला लागूनच‎ हिताची कंपनीचे एटीएम असून, हे‎ एटीएम फोडण्याचा प्रयत्न रविवारी १२‎ मार्चच्या रात्री ११.३० ते ११.५५‎ वाजताच्या सुमारास अज्ञात‎ चोरट्यांनी केला होता. एटीएमपासून‎ काही अंतरावर रात्री साडेअकरा‎ वाजताच्या सुमारास शहर पोलिसांची‎ गाडी उभी होती. ही गाडी गेल्यानंतर‎ लागलीच अज्ञात चोरट्यांनी या‎ एटीएममध्ये प्रवेश करून एटीएममधील सीसीटीव्ही‎ कॅमेरा तोडला. त्यानंतर चोरट्यांनी‎ एटीएमचे फ्रंट पॅनल तोडून आतील‎ लॉक तोडण्याचा प्रयत्न केला. चोरटे‎ एटीएम फोडण्याचा प्रयत्न सुरू‎ असताना आवाज झाल्याने मोहन‎ खवले हे खाली उतरून आले असता‎ त्यांची चाहूल लागल्याने दोघेजण‎ एटीएम पासून काही अंतरावर अंधारात‎ उभी केलेल्या मोटरसायकल वरून‎ घाईने पळताना दिसले होते. रात्र‎ गस्तीवरील मूर्तिजापूर शहर पोलिस व‎ माना पोलिस घटनास्थळी पोहाेचले‎ होते.

त्यानंतर स्थानिक गुन्हे शाखेचे‎ पोलिस निरीक्षक संतोष महल्ले यांच्या‎ मार्गदर्शनात स्थानिक गुन्हे शाखेने‎ तपास सुरु केला होता. सोमवारी‎ स्थानिक गुन्हे शाखेने रूपेश श्रीकृष्ण‎ काळे (वय २८ रा. चिखली गेट, हमु.‎ गणेश नगर मूर्तिजापूर) याला ताब्यात‎ घेतले त्याची कसून चौकशी केली‎ असता त्याने गुन्ह्याची कबुली दिली‎ आहे. आरोपीला कोण कोण साथीदार‎ होते याचा शोध पोलिस घेत आहेत.‎

‘एलसीबी’ने १० तासात आरोपी‎ पकडला : पोलिस निरीक्षक संतोष‎ महल्ले यांच्या पथकाने घटनास्थळी‎ जावून पाहणी केली व त्यांचे‎ पथकातील पीएसआय गोपाल जाधव‎ व पोलिसांनी तपास सुरु केला आणि‎ दहा तासात गुन्हा उघडकीस आणून‎ रूपेश श्रीकृष्ण काळे याला ताब्यात‎ घेतले. ही कारवाई पोलिस अधीक्षक‎ संदीप घुगे यांच्या मार्गदर्शनात‎ पीएसआय गोपाल जाधव, एएसआय‎ गणेश पांडे, उदय शुक्ला, गोकुळ‎ चव्हाण, लिलाधर खंडारे आणि राहुल‎ गायकवाड यांनी केली.‎