विदर्भात पहिला प्रयोग:ओल्या कचऱ्यापासून 350 युनिट‎ विजेसह होणार बायोगॅस निर्मिती‎, पाच टन क्षमतेच्या प्रकल्पाची महिनाभर ट्रायल

शेगाव‎ येथील नगर पालिकेच्या वतीने स्वच्छ‎ भारत मिशन अंतर्गत मंजूर झालेल्या‎ ओल्या कचऱ्यापासून वीज व बायोगॅस‎ निर्मिती प्रकल्पाचे काम पूर्ण झाले आहे.‎ पाच टन क्षमता असलेल्या या‎ प्रकल्पातून ३५० युनिट वीजनिर्मिती व‎ बायोगॅस निर्माण होणार आहे.

हा प्रकल्प‎ पूर्ण करणारी शेगाव नगर पालिका‎ जिल्ह्यातूनच नव्हे तर विदर्भातून प्रथम‎ ठरली आहे. हा प्रकल्प शेगाव नगर‎ पालिकेने सर्वात आधी पूर्ण केला आहे.‎

ओल्या कचऱ्यापासून बायोगॅस

एक कोटी २० लाखांच्या या‎ प्रकल्पाला मंजुरी मिळाल्यानंतर‎ २०२१ मध्ये प्रकल्पाचे भूमिपूजन‎ करून कामाला सुरुवात केली होती.‎ प्रभावी यंत्रणेमुळे दोन वर्षातच‎ प्रकल्प पूर्णत्वास गेला. सध्या ओल्या‎ कचऱ्यापासून वीज व बायोगॅस‎ निर्मिती सुरू झाली असून आधी‎ महिनाभर या प्रकल्पाची ट्रायल‎ चालणार आहे.

या प्रकल्पातून तयार‎ होणाऱ्या विजेचा वापर कचरा‎ प्रक्रिया केंद्रातील वीज व्यवस्था,‎ स्ट्रीट लाइट व मशिनरीसाठी‎ करण्यात येणार आहे. त्यानंतर‎ उरलेली वीज ही एमएसईबीला‎ विकत देण्यात येणार असून,‎ यामधून नगर पालिकेच्या उत्पन्नात‎ देखील वाढ होणार आहे.‎ शासनाकडून असे प्रकल्प‎ राज्यातील अनेक नगर पालिकांना‎ देण्यात आले आहेत. परंतु अद्याप‎ विदर्भात कुठल्याही नगर पालिकेने‎ हा उपक्रम राबवला नाही. शेगाव‎ पालिकेचा अपवाद वगळता इतर‎ सर्व नगर पालिकांनी अद्याप निविदा‎ प्रक्रिया सुद्धा राबवलेली नसल्याचे‎ चित्र आहे. त्यामुळे या प्रकल्पाबाबत‎ उदासीन धोरण दिसून आले आहे.‎ हा प्रकल्प शेगावला मिळावा‎ यासाठी आ. कुटे यांनी शासन‎ दरबारी प्रयत्न केले होते.‎ शेगाव येथे ओल्या कचऱ्यापासून वीज व बायोगॅस निर्मिती प्रकल्प पूर्णत्वास आला आहे.‎

उर्वरित वीज महावितरणला देणार‎

शेगाव नगर पालिकेच्या वतीने ओल्या‎ कचऱ्यापासून वीज व बायोगॅस निर्मिती‎ प्रकल्प कार्यान्वित झाला असून, हा‎ प्रकल्प कार्यान्वित करणारी शेगाव नगर‎ पालिका विदर्भातील पहिली पालिका‎ आहे. या प्रकल्पावर तयार झालेली वीज‎ प्लँटवर वापरण्यात येईल त्यानंतर उर्वरित‎ वीज महावितरणला देण्यात येईल.‎ - संजय मोकासरे, अभियंता,‎ शेगाव‎

वीज बिलाची बचत होईल‎

ओल्या कचऱ्यामुळे रोगराई पसरून‎ नागरिकांचे आरोग्य धोक्यात येते. त्यासाठी‎ नगर पालिकेच्या माध्यमातून हा कचरा‎ संकलित करण्यात येतो व या कचऱ्यापासून‎ वीज निर्मिती व्हावी, यासाठी शासनाकडे‎ पाठपुरावा करून बायोगॅस निर्मिती प्रकल्प‎ शेगावसाठी मंजूर करून घेतला व आज तो‎ पूर्णत्वास गेला आहे. या प्रकल्पामुळे नगर‎ पालिकेच्या वीज बिलाची बचत होईल.‎ - आ. डॉ. संजय कुटे.‎