बाबा रामदेव यांच्याकडून वादग्रस्त वक्तव्य:प्रतिकात्मक पुतळ्याला मारल्या चपला; जनसत्याग्रह संघटना आक्रमक

याेग गुरु बाबा रामदेव यांनी मुस्लिम, इस्लामबाबत वादग्रस्त वक्तव्य केल्याचा आराेप करीत जनसत्याग्रह संघटनेने शुक्रवारी आंदाेलन केले. रामदेव बाबा यांच्या पुतळ्याला चप्पला मारत आंदाेलकांनी संताप व्यक्त केला.

राजस्थान येथील एका कार्यक्रमात योगगुरू बाबा रामदेव यांनी भावना दुखतील असे वक्तव्य केल्याचे जन सत्याग्रह संघटनेचे म्हणणे आहे. इस्लाम, नमाज पठणबाबत वादग्रस्त वक्तव्य केले. बाबा रामदेव बाेलत असतानाचा व्हिडिओ प्रसारित झाला. दरम्यान 4 फेब्रुवारी राेजी दुपारी मुस्लिम संघटना, युवकांनी रस्त्यावर धाव घेत आंदाेलन केले. ऑटो स्टॅड ते मदनालाल धिंग्रा चाैकापर्यंत योगगुरू बाबा रामदेव यांना पुतळा हातात घेत घाेषणा दिल्या. प्रतिकात्मक छायाचित्रांना चपला-जाेडे मारत रोष व्यक्त केला. यावेळी पोलिस बंदोबस्त ठेवण्यात आला होता. जनसत्याग्रह संघटनेचे अध्यक्ष आसिफ खान यांच्या मार्गदर्शनाखाली हे आंदोलन करण्यात आले. आंदाेलनात अब्दुल सलाम, शेख आसीफ,सै. नासीर, साहिल रिजवी, फिराेज खान, इरफान खान, विक्की घई, सै. जहीर आदी सहभागी झाले.

या केल्या मागण्या

देशात अनेक ठिकाणी बाबांकडून वादग्रस्त वक्तव्य करण्यात येत असून, देशातील वातावरण दुषित हाेत आहेत. त्यामुळे बाबा रामदेव यांच्यावर कठाेर कायदेशीर कारवाई करण्यात यावी, त्यांना कारागृहात टाकण्यात यावे अशी मागणी आसिफ खान त्यांनी केली.

वाहतुकीवर परिणाम

आंदाेलन मध्यवर्ती बस स्थानकासमाेर असलेल्या मदनलाल चौकात करण्यात आले.याच ठिकाणी बसची वाहतूक माेठ्या प्रमाणावर हाेत असते. आंदोलनालामुळे काही वेळ वाहतुकीची कोंडी झाली होती. वाहतूक पोलिसांनी आंदोलन संपल्यानंतर वाहतूक सुरळीत केली.