विविध‎ कार्यक्रमांचे आयोजन:सप्तशृंगी देवी मंदिरात चैत्र उत्सव साजरा‎

येथील ईटावा वार्डातील सप्तशृंगी‎ मंदिरात चैत्र नवरात्र उत्सव साजरा‎ करण्यात आला. या उत्सवाला‎ रामनवमीपासून ते दि. ७ एप्रिल पर्यंत‎ मंदिराच्या प्रांगणात विविध‎ कार्यक्रमांचे आयोजन करून दर‎ वर्षीप्रमाणे याही वर्षी मोठ्या भक्ती‎ भावाने नवरात्र उत्सव पार पडला.‎पुसद येथील कीर्तिमान बाबाराव‎ लेवेकर, पत्नी कमल लेवेकर यांच्या‎ भक्तीतून साकारलेले सप्तशृंगीचे‎ मंदिर आहे. त्याच भक्ती भावनेतून‎ वारसा हक्काने रमेश चव्हाण व‎ अनिल चव्हाण परिवारातर्फे परंपरा‎ चालवीत आहेत. पुसद ते दिग्रस‎ रोडवर स्थित असलेल्या सप्तशृंगीची‎ मूर्ती अवघ्या महाराष्ट्रात आराध्य‎ दैवत म्हणून मानली जात आहे.

सदर‎ मंदिरात दरवर्षी नवरात्र उत्सवाचे‎ आयोजन करण्यात येते. त्यानुसार‎ याही वर्षी कार्यक्रम आयोजित‎ करण्यात आले होते. सतत सात‎ दिवस होम हवन दररोज दोन्ही वेळेस‎ पूजा व आरती तसेच गुरुचरित्राचे‎ पारायण सात दिवस करण्यात आले‎ होते. शेवटच्या दिवशी भजन‎ दिंड्यासह अनेक वाद्यांच्या गजरात‎ पालखीची मिरवणूक काढण्यात‎ आली. मिरवणुकीतील ध्वज निशाण‎ व सजवलेली घोडी विशेष आकर्षण‎ ठरले. भाविकांच्या डोळ्यांचे पारणे‎ फेडण्या सारखा देखावा‎ मिरवणुकीतून सादर करण्यात आला‎ होता. मिरवणुकीत असंख्य प्रतिष्ठित‎ नागरिक, पुरुष, महिला, मुले, मुली‎ सहभागी झाले होते.

मिरवणूक ईटावा‎ वार्ड मधील संत हनुमंता बापू मंदिर,‎ मारुती मंदिर, महाकाली मंदिर,‎ वाघामाय मंदिर, जगदंबा मंदिर या‎ मार्गावरून प्रस्थान करून सप्तशृंगी‎ देवी मातेच्या मंदिरात देवीच्या चरणी‎ भाविक लीन झाले. या विशेष‎ सोहळ्यात माऊली महिला भजनी‎ मंडळ ईटावा वार्ड, जगदंबा महिला‎ भजनी मंडळ ईटावा वार्ड, पिंपळगाव‎ येथील महादेव भजनी मंडळ व निंबी‎ येथील महिला भजनी मंडळ व‎ हनुमंता बापू भजनी मंडळ यांचा‎ सहभाग होता.‎