दिव्य मराठी विशेष:‘प्रभात''मध्ये बुद्धिबळ स्पर्धा; 120 खेळाडूंचा सहभाग‎ ; मान्यवरांच्या हस्ते गौरव‎

प्रभात किड्स स्कूल आणि अकोला‎ महानगर जिल्हा बुद्धिबळ संघटना‎ यांच्या संयुक्त विद्यमाने आयोजित‎ दोन दिवसीय राज्यस्तरीय बुध्दीबळ‎ स्पर्धेसाठी निवड चाचणी प्रभात येथे‎ दि. ८ व ९ एप्रिल रोजी पार पडली. या‎ स्पर्धेत मुलामुलींच्या वयोगटासह‎ ओपन आणि महिला गटातील १२०‎ बुद्धिबळपटू सहभागी झाले होते तर‎ ४७ बुद्धिबळपटुंची निवड‎ राज्यस्तरीय स्पर्धेसाठी झाली आहे.‎ राज्यस्तरीय निवड स्पर्धेचे‎ उद्घाटन प्रभातचे संचालक डॉ.‎ गजानन नारे यांच्या हस्ते झाले. या‎ वेळी महानगर जिल्हा बुद्धीबळ‎ संघटनेचे अध्यक्ष संदीप पुंडकर,‎‎‎‎‎‎‎‎‎‎‎‎‎‎‎‎ सचिव जितेंद्र अग्रवाल, पंच प्रवीण‎ ठाकरे प्रामुख्याने उपस्थित होते.‎

बुद्धिबळातून खेळाडूच्या‎‎‎‎‎‎‎‎‎‎‎‎‎‎‎‎ व्यक्तिमत्वाचा पाया रोवला जात‎ असून त्यांच्या बौद्धिक आणि‎ आत्मिक विकास साध्य होत‎‎‎‎‎‎‎‎‎‎‎‎‎‎‎‎ असल्याचे प्रतिपादन डॉ. गजानन‎ नारे यांनी केले. यावेळी संचालक‎ डॉ. गजानन नारे, डॉ. अमोल धोरण,‎ डॉ. परातीकर यांच्यात झालेल्या‎ मैत्रीपूर्ण लढतीने स्पर्धेचे उद्घाटन‎ झाले. स्पर्धेच्या पहिल्या दिवशी‎ झालेल्या लढतींमध्ये ७,११,१५ व १९‎ वर्ष वयोगटातील ६० बुद्धिबळपटू‎ सहभागी झाले. तर ९ एप्रिल २०२३‎ रोजी ९,१३,१७ वर्षा आतील तसेच‎ खुला गट महिला गटातील जवळ‎ जवळ ६० बुद्धिबळपटू सहभागी‎ झाले होते. यातून उत्कृष्ट प्रदर्शन‎ करणाऱ्या ४७ विजयी बुद्धिबळपटूंची‎ निवड राज्यस्तरीय स्पर्धेसाठी झाली‎ आहे.

रविवारी झालेल्या पुरस्कार‎ वितरण कार्यक्रमाला रेड क्रॉस‎ सोसायटीचे सचिव प्रभाजीतसिंग‎ बछेर, ओम उद्द्योगचे संचालक‎ पंकज राठी, प्रभातचे व्यवस्थापक‎ अभिजीत जोशी प्रामुख्याने उपस्थित‎ होते तर प्राचार्य वृषाली वाघमारे‎ कार्यक्रमाच्या अध्यक्षस्थानी होत्या.‎ या वेळी विजयी खेळाडूंना प्रमाणपत्र‎ व मेडल देऊन सन्मानित करण्यात‎ आले. उद्घाटन व पुरस्कार वितरण‎ सोहळ्याचे संचालन प्रभातचे‎ सांस्कृतिक विभाग प्रमुख नंदकिशोर‎ डंबाळे यांनी केले. या स्पर्धेच्या‎ यशस्वीतेसाठी अकोला महानगर‎ जिल्हा बुद्धिबळ संघटनेचे‎ पदाधिकारी आणि प्रभातच्या क्रीडा‎ विभागाचे संतोष लोमटे, आशिष‎ बेलोकार, स्वप्नील मांदाळे, विशाल‎ कोठळकर, राहुल वानखडे,रिया‎ ताराम, सांस्कृतिक विभागाच्या‎ संजीवनी अठराळे ,दिनेश आगाशे‎ ,तांत्रिक विभागाचे श्रीकांत बुलबुले,‎ सचिन मुरुमकार यांनी प्रयत्न केले.‎