शिवमहापुराण कथा:चिमुकल्यांसाठी आम्हा काय त्याचे?‎, पोटाची खळगी भरण्यासाठी 2 ते 3 किलोमीटरची होते पायपीट‎

म्हैसपूर येथे शिवमहापुराण कथा‎ सुरु आहे. लाखो भाविक कथा ‎ ‎ ऐकायला येतात. कथेची वेळ ‎ ‎ सकाळची असल्याने आई-वडील ‎ ‎ आपल्या मुलांनाही आणतात.‎ त्यामुळे एकीकडे सुव्यवस्थीत‎ कपडे घालून पायी चालणारी ‎ ‎ चिमुकले तर दुसरीकडे ‎ ‎ फाटक्या-तुटक्या कपड्यात‎ टिचभर पोटाची खळगी‎ भरण्यासाठी काही चिमुकले दोन‎ ते तीन किलोमीटरची पायपिट‎ करतात.

कारण अठरा विश्व ‎ ‎ दारिद्र्याचा सामना करणाऱ्या ‎ ‎ चिमुकल्यांसाठी शिवपुराण कथा ‎ ‎ म्हणजे आम्हा काय त्याचे? ठरली‎ आहे.‎ कथेला आई-वडीलांसोबत‎ आलेले चिमुकले कथा‎ झाल्यानंतर येताना कोणती ना‎ कोणती खेळणी अथवा वस्तू‎ हातात घेवून येताना दिसतात. कथे‎ बाबत काहीही समजले नसले तरी‎ आपल्याला खेळणी मिळाल्याचा‎ आनंद या चिमुकल्यांच्या‎ चेहऱ्यावरुन ओसंडून वाहत‎ असतो.

गेल्या तीन दिवसांपासून हे‎ चित्र पाहावयास मिळते. एकीकडे‎ हातात खेळणी, खाण्याचे पदार्थ‎ घेवून चालणारे चिमुकले दिसतात‎ तर दुसरीकडे फाटलेले आणि‎ मळलेले कपडे घालून फेकलेल्या‎ प्लास्टिकच्या बाटल्या गोळा‎ करणारे चिमुकलेही दिसतात.‎ संकलीत केलेल्या या बॉटल्समुळे‎ किमान दोन पैसे तर मिळतील, या‎ आशेने हे चिमुकले दोन ते तीन‎ किलोमीटरची पायपिट करुन‎ आपल्या पोटाची खळगी‎ भरण्याचा प्रयत्न करताना दिसून‎ येतात.

कारण शिवमहापुराण‎ कथेतून माणसाला ज्ञान मिळत‎ असले तरी या चिमुकल्यासाठी‎ कथा म्हणजे ‘आम्हा काय‎ त्याचे?’कारण या चिमुकल्यांना‎ तर रोजच दोन वेळच्या जेवणाची‎ भ्रांत असते.‎