पिण्याच्या पाण्याची संघर्ष यात्रा:आ. नितीन देशमुख यांच्यासह‎ 125 कार्यकर्त्यांवर गुन्हे‎

जिल्हाधिकारी यांच्या जमावबंदी आदेशाचे उल्लंघन करून‎ संघर्ष यात्रेसाठी गर्दी जमवल्या प्रकरणी आमदार नितीन‎ देशमुख, शिवसेना जिल्हाप्रमुख गोपाल दातकर, शहर प्रमुख‎ राजेश मिश्रा, अतुल पवनीकर, दिलीप बोचे व योगेश गीते‎ यांच्यासह १२५ कार्यकर्त्यांवर जुने शहर पोलिसांनी मंगळवारी‎ रात्री गुन्हे दाखल केले.‎ पोलिसांची कोणतीही परवानगी न घेता आमदार नितीन‎ देशमुख यांनी श्री राज राजेश्वर मंदिरासमोर जिल्ह्यातील ६९‎ खेडी पाणीपुरवठा योजनेचे पाणी आरक्षण तसेच‎ महानगरपालिका अंतर्गत पाणी आरक्षणावरची स्थगिती‎ उठवण्याकरता पालकमंत्री तथा उपमुख्यमंत्री देवेंद्र फडणवीस‎ यांना खारपानपट्ट्यातील नागरिक जे पाणी पितात तेच पाणी ते‎ पाजण्यासाठी व आंघोळ घालण्यासाठी टँकरद्वारे नेऊन‎ पिण्याच्या पाण्याची संघर्ष यात्रा काढली. सकाळी ९ वाजता‎ पोलीस हजर असतांना आमदार नितीन देशमुख व त्यांचे १००‎ ते १२५ कार्यकर्ते परवानगी न घेता खारे पाणी संघर्ष यात्रेसाठी‎ सहभागी झाले होते.