दिव्य मराठी विशेष:‘अमृत’च्या पाणी योजनेसंदर्भात समितीची आज बैठक‎

केंद्र शासनाच्या अमृत योजनेच्या‎ दुसऱ्या टप््यातील पाणी पुरवठा‎ योजनेच्या ७३८.४८ कोटींच्या‎ प्रस्तावाला मजिप्राने तांत्रिक मंजुरी‎ दिल्या नंतर मंत्रालयात या‎ प्रस्तावाबाबत अमृत योजनेच्या‎ समितीच्या बैठकीत चर्चा होणार आहे.‎ त्यामुळे मंगळवारी १४ मार्चला होणाऱ्या‎ या बैठकीत योजनेला प्रशासकीय‎ मंजुरी मिळणार का? याबाबत‎ उत्सुकता लागली आहे.‎ दुसऱ्या टप्प्यात १२ जलकुंभ, दोन‎ जलशुद्धीकरण केंद्रासह विविध कामे‎ केली जाणार आहेत. अमृत योजनेच्या‎ पहिल्या टप्प्यात मनपाच्या मुळ हद्दीत‎ (२८ चौरस किमी क्षेत्रात) आठ‎ जलकुंभ, जुन्या व क्षतीग्रस्त‎ जलवाहिन्या बदलून नवीन‎ जलवाहिन्या, ज्या भागात जलवाहिन्या‎ नाहीत, त्या भागात जलवाहिन्या‎ टाकण्यात आल्या. जलशुद्धिकरण‎ केंद्रातील विविध दुरस्त्या तसेच पाच‎ पंप घेण्यात आले. यासह विविध कामे‎ करण्यात आली.

ही कामे अंतिम‎ टप्प्यात असताना अमृत योजनेच्या‎ दुसऱ्या टप्प्याची तयारी सुरू करण्यात‎ आली होती. दुसऱ्या टप्प्यात बहुतांश‎ कामे ही हद्दवाढ झाल्यानंतर समाविष्ट‎ झालेल्या २१ गावांमध्ये केली जाणार‎ आहेत. यात जलवाहिनी टाकणे,‎ जलकुंभ बांधणे, जलशुद्धिकरण केंद्र‎ उभारणे, स्कॉडा ऑटोमेशन यंत्रणा‎ राबवणे आदी विविध कामे केली‎ जाणार आहेत.

अशी होतील कामे‎
हद्दवाढ तसेच मुळहद्दीत १३ जलकुंभाचे‎ बांधकाम‎ हद्दवाढ भागात ५०० किलोमीटरच्या‎ जलवाहिन्या टाकल्या जाणार‎ अमानतपूर ताकोडा परिसरात ६० एमएलडी‎ तसेच दगडपारवा प्रकल्पा जवळ १२.५०‎ एमएलडी क्षमतेचे जलशुद्धिकरण केंद्र‎ वान व दगड पारवा प्रकल्पातील पाणी‎ ग्रॅव्हिटीने आणले जाणार‎ हद्दवाढ भागात ग्रीन झोन‎ जलशुद्धिकरण केंद्र परिसरात सौर ऊर्जा‎ प्रकल्प‎ स्कॉडा ऑटोमेशनची कामे‎ महान ते अकोला अशी ३२ किलो मीटरची‎ जलवाहिनी बदलणार‎

वान प्रकल्पामधील स्थगिती कायम‎
महापालिकेला वान प्रकल्पात २४ दशलक्ष घनमीटर पाणी‎ आरक्षित करण्यात आले होते. मात्र या आरक्षणाला विरोध‎ झाल्यानंतर तत्कालीन मुख्यमंत्री देवेंद्र फडणवीस यांनी २०१९‎ मध्ये निवडणुकीपूर्वी स्थगिती दिली होती. ही स्थगिती अद्याप‎ उठवलेली नसताना वान प्रकल्पात पाणी आरक्षण मिळेल, असे‎ गृहित धरुन हा प्रस्ताव तयार करण्यात आला आहे, हे विशेष.‎