दिव्य मराठी विशेष‎:जिल्ह्यात दारूबंदी करण्याची मागणी

दारूबंदी करा, दरमहा गृहिणी‎ भत्ता द्या, अशा घाेषणा देत‎ महिलांनी जागतिक महिला‎ िदनानिमित्त बार्शीटाकळी‎ तालुक्यातील पिंपळगाव येथे‎ महिलांनी ठराव घेतले. तसेच‎ गावात स्वच्छता माेहिमही‎ राबवण्यात आली.‎ विविध मागण्यांसाठी‎ जनजागरण करण्याचा निर्णय‎ घोषित केला आणि कृती‎ समितीच्या निमंत्रकपदी‎ पंचफुलाबाई अंभोरे यांची निवड‎ करण्यात आली.

महिलांच्या‎ आक्रोश आंदोलनाला शेतकरी‎ बचाओ आंदोलनाचे प्रमुख‎ संयोजक भाई रजनीकांत यांनी‎ मार्गदर्शन केले. ग्राम स्वच्छता‎ अभियानातही त्यांनी महिलांसाेबत‎ सहभाग नाेंदवला. ग्रामसफाई व‎ महिलांच्या मागण्यांच्या‎ आंदाेलनाचे नेतृत्व निर्मला‎ सुरडकर यांनी केले. यात सीमा‎ सुरडकर, रमाबाई सुरडकर,‎ अनुसया अंधारे, मंदाबाई येवले,‎ वनिता गांजरे, मनोरमा अंधारे,‎ चंद्रकला राठोड, सावित्रीबाई‎ जाधव, भीमराव सुरडकर, संतोष‎ अंधारे, गजानन अंधारे, राष्ट्रपाल‎ अंधारे यांच्यासह ग्रामस्थ सहभागी‎ झाले हाेते, अशी माहिती देण्यात‎ आली.‎

हे ठराव झाले मंजूर‎
कार्यक्रमात िवविध मागण्यांचे ठराव‎ मंजूर करण्यात आले. यात विषारी‎ वैध, अवैध दारु बंद झालीच पाहिजे,‎ एसटी बस सुरु करा, महिलांना‎ पुरुषाप्रमाणे सन्मान व समान वेतन‎ द्या, जिल्ह्यात संपूर्ण दारूबंदी कायदा‎ करावा, केंद्र सरकारने महिलांच्या‎ घरकामाची देशाच्या सकल‎ उत्पन्नामध्ये नोंद करावी, महिलांना‎ घरकामाचा गृहिणी भत्ता म्हणून‎ किमान दरमहा १० हजार रुपये‎ मिळावे, वन्य प्राण्यांमुळे होणाऱ्या‎ शेतीच्या नुकसानाची भरपाई देण्यात‎ यावी आदींचा समावेश हाेता.