संवाद:डिजिटल माध्यमकर्मींनी आचार‎ संहितेसोबतच स्वयंशिस्त पाळावी‎

डिजिटल माध्यमकर्मींनी स्वयंशिस्त‎ व आचारसंहिता पाळावी, असे‎ आवाहन डिजिटल मीडियातील‎ मुंबईतील तज्ज्ञ तथा वरिष्ठ पत्रकार‎ विक्रांत पाटील व विवेक भावसार‎ यांनी केले. श्रमिक पत्रकार संघातर्फे‎ आयाेजित डिजिटल मीडिया‎ कार्यशाळेत त्यांनी डिजिटल‎ तंत्रज्ञानावर विस्तृत विवेचन केले.‎ जग हे डिजिटल मीडियाकडे वेगाने‎ वळत असून, हा बदल तातडीने‎ स्वीकारणे काळाची गरज‎ असल्याचेही ते म्हणाले.‎ डाॅ. पंजाबराव देशमुख कृषी‎ विद्यापीठाच्या शेतकरी सदनमध्ये‎ झालेल्या कार्यशाळेत विक्रांत पाटील‎ व विवेक भावसार यांनी डिजिटल‎ मीडियातील विविध पैलूंवर‎ प्रकाशझाेत टाकला. लिखाण‎ कॉपीपेस्ट नसावे. अशा मजकुराच्या‎ प्रसारणावर बंदी येणार आहे.‎ आपला कंटेंट सशक्त व विश्वासार्ह‎‎‎‎‎‎‎‎‎‎‎‎‎ असेल तर आपण डिजिटल‎ मीडियामध्ये उत्तम कामगिरी करू‎ शकतो.

डिजिटल पत्रकारिता,‎ डिजिटल मार्केटिंगचे ऑनलाइन‎ अभ्यासक्रम उपलब्ध आहेत.‎ डिजिटल माध्यकर्मींनी कायद्याचे‎ पालन करणे गरजेचे आहे. बातमी‎ अधिक वाचक, प्रेक्षकांपर्यंत‎ पोहोचण्यासाठी टॅगिंग कसे करावेे,‎ याबाबत मार्गदर्शन केले. डिजिटल‎ मीडियातून सन्मानाने अर्थार्जन शक्य‎ आहे, असेही ते म्हणाले.‎‎‎‎‎‎‎‎‎‎‎‎‎ कार्यशाळेत प्रारंभी तज्ज्ञांचे स्वागत‎ पत्रकार गाेपाल हागे व अतुल‎ जयस्वाल यांनी केले. जिल्हा‎ माहिती अधिकारी डाॅ. मिलिंद दुसाने‎ यांचे स्वागत पत्रकार संजय खांडेकर‎ यांनी केले. सूत्रसंचालन पत्रकार‎ महेश घाेराळे यांनी केले, तर आभार‎ पत्रकार विशाल बाेरे यांनी मानले.‎ बदल स्वीकारा : आेरिजनल‎ कंटेंट देणाऱ्यांना डिजिटल‎ मीडियात प्रचंड संधी आहेत.‎ क्रीडा, कृषी, अन्न-धान्य,‎‎‎‎‎‎‎‎‎‎‎‎‎ सामाजिक, राजकीय व‎ मुख्यत्वेकरून स्थानिक‎ घडामोडींवर लिखाण केल्यास‎ त्याला वाचक-प्रेक्षकांचा प्रतिसाद‎ िमळेल, असेही विवेक भावसार व‎ विक्रांत पाटील म्हणाले. यासाठी‎ प्रत्येकाने चिकाटी व परिश्रम करून‎ वेळ देण्याची तयारी ठेवावी. यातून‎ उत्पन्नही वाढले. आगामी काळ हा‎ डिजिटल माध्यमांचा असून, बदल‎ न स्वीकारल्यास आपण स्पर्धेतून‎ बाहेर पडू, असेही ते म्हणाले.‎

यावर दिली माहिती‎
िवक्रांत पाटील व विवेक भावसार यांनी डिजिटल‎ मीडियाबाबत महत्त्वाची माहिती दिली. यात विषयांची‎ मागणीनुसार िनवड, नोंदणी, दरमहा स्वयं-प्रकटन‎ जाहीर करणे, केंद्रीय माहिती प्रसारण मंत्रालयाने‎ निर्धारित केलेल्या संस्थांकडे नोंदणी, उद्योग आधार‎ नोंदणी, फोटो, व्हिडिओ, मजकुराची निवड,‎ पडताळणी कशी करायची, याबाबतच्या फॅक्ट चेक‎ वेबसाईट्स, जाहिरात महसूल मिळवण्याचे निकष,‎ कंटेंटचे मार्केटिंग आदींचा समावेश हाेता.‎