आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ई-पीक:ई-पीक पाहणी; मोबाइल ॲपद्वारे उताऱ्यावर पिकांची अचूक नोंद

अकोलाएका महिन्यापूर्वी
  • कॉपी लिंक

जिल्ह्यात ई-पीक पाहणी कार्यक्रम राबवण्यात येत आहे. या कार्यक्रमाअंतर्गत शेतकऱ्यांनी स्वत:च्या शेतामधील पिकपेरा स्वत: भरावयाचा आहे. जिल्हाधिकारी नीमा अरोरा यांनी खोबरखेड ता. अकोला येथे प्रत्यक्ष शेतकऱ्यांच्या बांधावर जावून ‘ई-पीक पाहणी’ व नोंदी स्वत: मोबाइलमध्ये प्रात्यक्षिक करुन शेतकऱ्यांना समजावून सांगितले. या सुविधेचा लाभ सर्व शेतकरी बांधवानी घ्यावा, असे आवाहन जिल्हाधिकाऱ्यांनी केले.

गावपातळीवरून पीक पेरणी अहवालाची वास्तववादी माहिती संकलित व्हावी, तसेच संकलित माहिती पारदर्शकता आणणे, पीक अहवाल प्रक्रियेत शेतकऱ्यांचा सक्रिय सहभाग घेणे, कृषी पतपुरवठा सुलभ करणे, नैसर्गिक आपत्तीमुळे पिकांचे नुकसान झाल्यास अचूक भरपाई आणि योग्यप्रकारे मदत करणे शक्य व्हावे, याकरीता पीक पेरणीबाबतची माहिती ई-पीक पाहणी मोबाइल अॅपद्वारे सातबारा उताऱ्यामध्‍ये नोंदवण्याची सुविधा शासनाकडून उपलब्ध करून दिली आहे. या सुविधेचा शेतकऱ्यांनी लाभ घेण्यासाठी याेजनेत उत्स्फूर्तपणे सहभागी व्‍हावे, असे आवाहन जिल्‍हाधिकारी नीमा अरोरा यांनी केले आहे. पाहणी दौऱ्यात उपजिल्हाधिकारी (महसूल) गजानन सुरंजे, जिल्हा सूचना अधिकारी अनिल चिंचोले, जिल्हा हेल्प डेस्कचे प्रसाद रानडे, मंडळ अधिकारी शेख अन्सार, नितीन शिंदे, तलाठी रजनी घुगे, सरपंच वैभव तराळे, कोतवाल, पोलिस पाटील, शेतकरी आदी उपस्थित होते.

माहिती हाेणार उपलब्ध ः शेतकऱ्यांनी स्वत:च्या शेतामधील पिकपेरा स्वत: भरता यावा, यासाठी जमाबंदी आयुक्‍त आणि संचालक भूमि अभिलेख कार्यालयाकडून मोबाइल अॅप विकसित केले आहे. या ॲपवर पिकांचे फोटो अपलोड करुन पिकांची नोंद सातबारा उताऱ्यावर होणार आहे. या प्रक्रियेमुळे शासनाला पिकांची अचूक माहिती मिळणार असून, गावनिहाय पिकांची आकडेवारी उपलब्ध होणार आहे. ग्रामीण भागात गावपातळीवर महसुली लेखे ठेवण्यासाठी विविध गाव नमुने व दुय्यम नोंदवह्या विहित करण्यात आल्या आहेत. यामधील गाव नमुना सात हा अधिकार अभिलेख विषय असून, गाव नमुना बारा हा पिकांची नोंदवही ठेवण्यासंदर्भात आहे.
५८० पिकांच्या हाेणार नोंदी ः शेतकरी प्रत्यक्ष शेतात जाऊन मोबाइल अॅपद्वारे पिकांचे फोटो अपलोड करु शकतात. मोबाइल अॅपमध्‍ये अक्षांश व रेखांशाची नोंद होणार असल्‍याने त्‍या शेतकऱ्यांच्‍या शेताचे स्‍थानही तलाठ्याला कळणार आहे. या अॅपवर पिकांची वर्गवारी करण्यात आली असून, यामध्ये १८ वर्ग करण्यात आले आहे. कडधान्ये, तृणधान्ये, पॉलि हाउसमधील पिके, भाजीपाला, फळे, औषधी वनस्पती आदींचा समावेश आहे. तसेच या अॅपमध्ये ५८० पिकांची नोंदी घेता येणार आहेत.

बातम्या आणखी आहेत...