उमा नदीच्या पुलाजवळची घटना‎:ट्रेलर- कंटेनरचा भीषण‎ अपघात; 1ठार, 1 जखमी‎‎

राष्ट्रीय महामार्ग क्र.६ वरील माना‎ फाट्यावर उमा नदीच्या पुलाजवळ‎ ट्रेलर व कंटेनरचा भीषण अपघात‎ होऊन कंटेनर चालक जागीच ठार‎ झाल्याची घटना शुक्रवारी दुपारी‎ ३.३० वाजताच्या सुमारास घडली‎ असून, यात ट्रेलर मधील १ जण‎ जखमी झाला आहे.‎ या संदर्भात प्राप्त माहितीवरून‎ अकोल्याकडून अमरावतीकडे‎ जाणारा कंटेनर क्र. डी.डी.०३‎ पी.९७४४ च्या चालकाने वाहन‎ भरधाव व निष्काळजीपणे चालवून‎ अमरावतीकडून अकोल्याकडे‎ लोखंडी सळई घेऊन जाणारा ट्रेलर‎ क्र.आर जे ४७ जि ए २६४१ ला‎ समोरुन जबर धडक दिली.

यात‎ कंटेनरचा टायर फुटून दोन्ही वाहन‎ अनियंत्रित होऊन रोडवरून अंदाजे‎ १५ ते २० फूट खाली उलटले यात‎ कंटेनर डी.डी.०३ पी.९७४४ चा‎ चालक नौशाद अहमद शेख वय ५०‎ वर्ष हा कंटेनर खाली दबल्याने‎ जागीच ठार झाला असून, ट्रेलर‎ क्र.आर जे ४७ जि ए २६४१ त्रिपाल‎ सिंग हा जखमी झाला. या घटनेची‎ माहिती माना पो.स्टे.ठाणेदार कैलास‎ भगत यांना मिळताच त्यांनी ना.पो.‎ कॉ.नंदकिशोर टिकार,ना.पो.कॉ.‎ संदीप सरोदे, पो.कॉ.उमेश हरमकर,‎ जयकुमार मंडावरे, रमाकांत‎ वाघमारे, सुशील आठवले या‎ सहकाऱ्यांना घेऊन त्वरित‎ घटनास्थळी धाव घेतली. तसेच‎ अपघातातील मृत व जखमीस बाहेर‎ काढून प्रा.आ.केंद्र आपत्कालीन‎ पथकाचे स्वप्नील चौधरी, गौतम‎ निंडोरे, रितेश चिनाप्पा यांच्या‎ सहकार्याने जखमीस उपचारासाठी‎ व मृतक नौशाद अहमद शेख याचा‎ मृतदेह शवविच्छेदनाकरिता‎ मूर्तिजापूर येथील श्रीमती लक्ष्मीबाई‎ देशमुख उपजिल्हा रुग्णालय येथे‎ रवाना केला.‎