डॉ. श्यामाप्रसाद मुखर्जी कला महाविद्यालयात उपक्रम‎:वित्तीय साक्षरता, उद्योजकता‎ विकास प्रशिक्षण कार्यशाळा‎

येथील जनता शिक्षण संस्थाद्वारा‎ संचालित डॉ. श्यामाप्रसाद मुखर्जी कला‎ महाविद्यालयाचा गृहअर्थशास्त्र विभाग,‎ अर्थशास्त्र विभाग, महिला उद्योजकता‎ कक्ष व वरुड येथील सर्वज्ञ बहुउद्देशीय‎ संस्थेतर्फे एक दिवसीय वित्तीय साक्षरता‎ व उद्योजकता विकास प्रशिक्षण‎ कार्यशाळा आयोजित करण्यात आली.‎ या कार्यशाळेचे उद्घाटन‎ महाविद्यालयाचे मराठी विभागप्रमुख डॉ.‎ अविनाश धोबे यांच्या अध्यक्षतेखाली‎ पार पडले. यावेळी प्रमुख अतिथी म्हणून‎ डॉ. लीना गावंडे, डॉ. नलिनी बोडखे,‎ संध्या चौधरी, अर्थशास्त्र विभागप्रमुख‎ प्रा. दिनेश खेरडे, गृह अर्थशास्त्र‎ विभागप्रमुख प्रा. लुंबिनी गणवीर,‎ ग्रंथपाल डॉ. राजेश बोबडे उपस्थित‎ होते.

प्रास्ताविक प्रा. दिनेश खेरडे यांनी‎ तर पाहुण्यांचा परिचय डॉ. राजेश बोबडे‎ यांनी करून दिला. कार्यशाळेच्या‎ पहिल्या सत्रात मुंबईच्या तृप्ती पाटील‎ यांनी वित्तीय साक्षरता या विषयावर‎ महत्त्वपूर्ण व अभ्यासपूर्ण मार्गदर्शन‎ केले. त्यांनी कॅशलेस व्यवहार, शेअर‎ मार्केटमधील गुंतवणूक, दीर्घकालीन‎ गुंतवणुकीचे फायदे आदी विषयांची‎ मांडणी केली.‎ कार्यशाळेच्या दुसऱ्या सत्रात‎ उद्योजकता प्रशिक्षणांतर्गत ब्लॉक‎ प्रिंटिंगचे कृती प्रशिक्षण देण्यात आले.‎

टेबल क्लॉथ, पिलो कव्हर, कुशन‎ कव्हर, साडी, स्कार्फ, चादर, कुर्ती, ड्रेस‎ मटेरियल यावर विविध नक्षीचे ब्लॉक‎ प्रिंटिंग कसे करावे, हे यावेळी‎ शिकविण्यात आले. सर्वज्ञ बहुउद्देशीय‎ संस्थेच्या संध्या चौधरी यांनी याबाबतची‎ प्रात्याक्षिके करुन दाखवली. ब्लॉक‎ प्रिंटिंग ही अतिशय पुरातन कला असून‎ तरुणांसाठी ब्लॉक प्रिंटिंग हा उत्तम‎ स्वयंरोजगार होऊ शकतो, हेही त्यांनी‎ पटवून दिले. प्रथम सत्राचे प्रास्ताविक‎ गृहअर्थशास्त्र विभागप्रमुख व महिला‎ उद्योजकता कक्षाच्या समन्वयक प्रा.‎ लुंबिनी गणवीर यांनी केले. संचालन‎ पायल पाटील यांनी केले तर आभार‎ पल्लवी गुल्हाने यांनी मानले.‎ कार्यशाळेच्या आयोजनासाठी प्राचार्य‎ डॉ. रा.ना. फुलारी यांच्यासह‎ महाविद्यालयाचे प्राध्यापकवृंद व‎ शिक्षकेतर कर्मचारी यांचे सहकार्य‎ लाभले. कार्यशाळेला महाविद्यालयाचे‎ विद्यार्थी, महात्मा फुले महाविद्यालय व‎ स्व. पंचफुलाबाई पावडे महिला‎ महाविद्यालयाच्या गृहअर्थशास्त्र‎ विभागाच्या विद्यार्थिनी तसेच सर्वज्ञ‎ बहुउद्देशीय संस्थेच्या शिक्षिका रुपाली‎ वानखडे व प्रशिक्षणार्थी विद्यार्थिनी‎ मोठ्या संख्येने उपस्थित होत्या.‎