प्रशिक्षण:स्त्री रुग्णालयात आग नियंत्रण‎ प्रशिक्षण अन् रंगीत तालीम‎

आगीमुळे होणाऱ्या घटना टाळणे व‎ त्यावरील उपाययोजना याबाबत सराव व्हावा‎ यासाठी जिल्हा स्त्री रुग्णालय व शासकीय‎ वैद्यकीय महाविद्यालयात ‘रंगीत‎ तालीम’(मॉक ड्रिल) द्वारे प्रशिक्षण देण्यात‎ आले.‎ महानगरपालिका व आपत्ती व्यवस्थापन‎ संयुक्त विद्यमाने ही रंगीत तालीम बुधवारी‎ पार पडली. जिल्हाधिकारी निमा अरोरा यांनी‎ यासंदर्भात निर्देशित केले होते. त्यानुसार‎ निवासी उपजिल्हाधिकारी संजय खडसे‎ यांच्या सूचनेनुसार १२ एप्रिल रंगीत तालीम‎ घेण्यात आली. सकाळी जिल्हा स्त्री‎ रुग्णालयाच्या अधीक्षक डॉ. आरती‎ कुलवाल, महानगरपालिकेचे अग्निशमन‎ अधिकारी एम.एच. मणियार, आपत्ती‎ व्यवस्थापन प्रशिक्षक सुधीर कोहचाळे,‎ शैलेंद्र मडावी, आपत्ती व्यवस्थापन‎ अधिकारी संदिप साबळे, तलाठी सुनिल‎ कल्ले, प्रशासकीय अधिकारी अप्पासाहेब‎ डांबरे, शासकीय वैद्यकीय महाविद्यालयाचे‎ वैद्यकीय अधीक्षक डॉ. भूपेंद्र पाटील,‎ उपवैद्यकीय अधीक्षक डॉ. रवि खंडारे,‎ वैद्यकीय अधिकारी, परिचारिका, कर्मचारी‎ उपस्थित होते.‎

उपकरण हाताळणी व प्रात्यक्षिक :‎ उन्हाळ्यांमध्ये आग लागण्याच्या घटना‎ मोठ्या प्रमाणात घडतात. अशावेळी‎ करावयाच्या प्रतिबंधात्मक व सुरक्षात्मक‎ उपाययोजना याबाबत उपस्थित अधिकारी-‎ कर्मचाऱ्यांना प्रशिक्षण देण्यात आले.‎ उपस्थितांना अग्निशमन यंत्र हाताळणीबाबत‎ माहिती दिली. आग निर्माण करुन यंत्राद्वारे ती‎ विझवण्याचे प्रात्यक्षिक दाखवण्यात आले.‎ तसेच आगीवर नियंत्रण मिळविण्यासाठी‎ कोणत्या साधनांचा वापर करावा याबाबत‎ तसेच आगीचे प्रकार याबाबत सविस्तर‎ माहिती दिली.‎

अग्निशमनासंदर्भात घ्यावयाची‎ खबरदारी‎ सार्वजनिक इमारती (.रुग्णालय‎ परिसरात)अग्निशमन यंत्रणा स्थापित‎ असावी. कालबाह्य होण्यापूर्वी नियमितपणे‎ पूर्ण भरलेले असावे. अग्निशमन यंत्र‎ बसवताना त्या यंत्राचा वापर करण्यासाठी‎ सहज काढता येणे शक्य होईल, अशा‎ ठिकाणी ते बसविण्यात यावे. ''''फायर सेफ्टी‎ ऑडिट'''' नुसार त्यातील त्रुटी दूर करून‎ अग्निशमन यंत्रणा बसविण्यात यावे. तसेच‎ रुग्णालयात स्प्रिंकलर, फायर अलार्म आणि‎ स्मोक डिटेक्टर लावण्यात यावे, असे सूचना‎ महानगरपालिकाचे फायर ऑफिसर एम.एच.‎ मणियार यांनी उपस्थितांना दिली.‎