14 हजारांवर शेतकऱ्यांची नाेंदणी‎:‘नाफेड’तर्फे आजपासून‎ 10 केंद्रावर हरभरा खरेदी‎

‘नाफेड’च्या माध्यमातून हमीभावाने‎ हरभरा खरेदी प्रक्रियेला मंगळवारी‎ प्रारंभ हाेणार आहे. खुल्या बाजारापेक्षा‎ प्रती क्विंटल ५०० ते ६०० रुपये जादा दर‎ िमळणार असल्याने शेतकरी‎ आॅनलाइन नाेंदणीसाठी गर्दी करीत‎ आहेत. महाराष्ट्र राज्य सहकारी‎ विपणन महासंघाकडे आतापर्यंत १४‎ हजार ७२७ शेतकऱ्यांनी नाेंदणी केली‎ आहे.

महासंघाच्या १० केंद्रावर खरेदीप्रक्रिया हाेणार आहे.‎ जिल्ह्यात हरभरा खरेदी‎ करण्यासाठी नाफेड यंत्रणेकडून खरेदी‎ केंद्र जिल्ह्यात सुरू केलेले नाही.‎ त्यामुळे नाइलाजास्तव शेतकऱ्यांना हरभरा खुल्या बाजारात खासगी‎ व्यापाऱ्यांना कमी भावात विकणे भाग‎ पडत आहे.

१ लाख २१ हजार‎ हेक्टर क्षेत्रावर पेरणी‎
रब्बी हंगामात िजल्ह्यात एकूण १ लाख‎ २१ हजार १७७ हेक्टर क्षेत्रावर हरभरा‎ पिकाची पेरणी झाली हाेती. उशिरापर्यंत‎ पाऊस पडणे, पाणी मुबलक प्रमाणात‎ उपलब्ध असणे, आदींमुळे यंदा हरभरा‎ पेरणीचे क्षेत्र वाढल्याचे कृषी तज्ज्ञांचे‎ मत आहे. त्यामुळे यंदा हरभऱ्याचे‎ उत्पादनही िवक्रमी झाले आहे.‎