आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दांडीबहाद्दरांना मिळताे पगार:मुख्याध्यापकांनो, सावधान गैरहजर‎ शिक्षकांना वेतन अदा केल्यास कारवाई‎

अकाेला‎एका महिन्यापूर्वी
  • कॉपी लिंक

गैरहजर राहणाऱ्या शिक्षकांचे वेतन‎ अदा केल्यास तुमच्यावर‎ प्रशासकीय कारवाई करण्यात‎ येईल, असा इशारा‎ शिक्षणाधिकाऱ्यांनी(प ्राथमिक)‎ सर्व खासगी अनुदानित, अशंत:‎ अनुदानित शाळांच्या‎ मुख्याध्यापकांना पाठवलेल्या पत्रात‎ दिला आहे. त्यामुळे केवळ‎ कागदाेपत्री हजर राहून वेतन‎ लाटणाऱ्यांचे धाबे दणाणले आहेत.‎काही अनुदानित, अशंत:‎ अनुदानित शाळांमध्ये कार्यरत‎ कर्मचारी-शिक्षक केवळ‎ कागदाेपत्रीच शाळेत असतात. ते‎ अन्य वैयक्तिक कामात किंवा‎ राजकीय क्षेत्रात सक्रीय असतात.‎ काही जण तर इतरांच्या नावे‎ स्वत:च व्यवसायही करतात.

वेतन‎ शाळेतील कामे करण्यासाठी‎ घ्यायचे आणि हा वेळ व श्रम मात्र‎ वैयक्तिक –राजकीय क्षेत्रासाठी‎ खर्च करायचा असा त्यांचा‎ नित्यक्रम असताे. शाळेत प्रत्यक्षात‎ हजर राहून तेथील कामे न करणारे‎ हे कर्मचारी-शिक्षक विद्यार्थ्यांचे‎ नुकसान करीत असल्याचे शिक्षण‎ तज्ज्ञांचे मत आहे. यासर्वांचे शिक्षण‎ संस्थांशी लागेबांधे असतात किंवा‎ त्यांची स्वत:चीच संस्था असते.‎ अनेक जण या शिक्षण सम्राटांचे‎ नातेवाइकही असतात. त्यामुळे या‎ दांडीबहाद्दर शिक्षकांना चाप‎ लागण्यासाठी आता शिक्षण‎ विभागाने मुख्याध्यापकांवर‎ जबाबदारी निश्चित केली आहे.‎

बातम्या आणखी आहेत...