दिव्य मराठी विशेष:व्यसनमुक्तीचा संदेश देत हाेळी महाेत्सव‎

एकिकडे धुळवडीत भररस्त्यावर‎ मद्यपींकडून धिंगाणा घातला जात‎ असतानाच दुसरीकडे मात्र पर्यावरण‎ पूरक व व्यवसनमुक्तीचा निर्धार‎ करीत तरूण गुरुदेव सेवकांनी‎ मंगळवारी हाेळी महोत्सव साजरा‎ केला.त्यांनी वंदनीय राष्ट्रसंत‎ तुकडोजी महाराज यांच्या विचारांचा‎ जागर करीत राष्ट्रधर्माचा विचार‎ अंगिकारला. राष्ट्रसंत विचार साहित्य‎ संमेलन समिती व राष्ट्रधर्म युवा‎ मंचातर्फे पर्यावरण पूरक ,रंगमुक्त व‎ व्यसनमुक्त होळी महोत्सवाचे‎ आयाेजन करण्यात आले.‎

महाेत्सवात या विषयांवर‎ झाले मंथन‎
महाेत्सात वृक्ष लागवड करणें, वृक्ष‎ संवर्धन करणे, पक्षांकरिता पाणी‎ पिण्यासाठी झाडांवर जलपात्र बांधणे,‎ रंगपंचमीला रासायनिक रंग न वापरता‎ जनजागृती कार्यशाळा आयोजित‎ करणे, व्यसनमुक्त समाज व्हावा,‎ यासाठी भजनांचे संमेलन घेणे, व‎ स्मशानभूमीत वृक्षारोपण करून‎ विविध संतांचे पुतळे,फुलांची बाग‎ सजवून सौंदर्यीकरण करणे, सुसंस्कार‎ शिबिरांचे आयोजन करणे आदींवर‎ चर्चा झाली. पातूर तालुक्यातील‎ तांदळी बु. हे गाव आदर्श करण्यासाठी‎ दत्तक घेण्यात आले.‎

भजनांच्या माध्यमातून मांडले िवचार‎
भजनांच्या माध्यमातून गुरुदेव सेवकांनी राष्ट्रसंतांचे विचार मांडले. यात रामराव पाटेखेडेकर, श्रीकांत पुंडकर,‎ शुभम वरणकार, भीमराव गावंडे, प्रल्हाद निखाडे,रामकृष्ण गावंडे ,प्रसाद बरगट, सचिन महोकार आदींचा‎ समावेश हाेता. सािहत्य संमेलनात रांगाेळी काढण्यासह अन्य सेवा करणाऱ्या सुरभी दोडके व वैष्णवी टिकार‎ यांच्यासह युवा राष्ट्रमंचच्या कार्यकर्त्यांचा सत्कार करण्यात आला.‎