धार्मिक:ज्योतिर्लिंग म्हणजे ऊर्जेची जागृत‎ स्थाने ; विश्वेश्वरदास वैष्णव महाराज‎

भारतभरात स्थापित विविध स्वरूपाचे‎ ज्योतिर्लिंग हे सकारात्मक ऊर्जेची‎ जागृतस्थाने असून, या भारतभरातील‎ ज्योतिर्लिंगाच्या दर्शनाने सकल जन्माचे‎ सार्थक होत अाहे, असा हितोपदेश‎ शिवकथाकार विश्वेश्वरदास वैष्णव‎ महाराज यांनी केले.‎ कर्ता हनुमान मंडळातर्फे डाबकी रोड‎ येथील कर्ता हनुमान मंदिरात सुरू‎ असलेल्या विश्वेश्वरदास वैष्णव यांच्या‎ शिवपुराण कथेत त्यांनी ज्योतिर्लिंगाची‎ महिमा प्रतिपादित केली. ते म्हणाले,‎ शिवपुराणामध्ये याचा ऊहापोह करण्यात‎ आला आहे. ज्योती म्हणजे प्रकाश.‎ ज्योती म्हणजे तेज. ज्योती म्हणजे ज्ञान,‎ ज्योती म्हणजे प्रेरणा, ज्योती म्हणजे‎ चेतना होय. हे सर्व शक्तिरूप शिवाचे‎ प्रतीक असून, तेच हे ज्योतिर्लिंग असून,‎ ही एकूण बारा आहेत.

सोरटी सोमनाथ,‎ श्रीशलि, महाकालेश्वर,ओंकारमां धता,‎ परळी वैजनाथ, भीमाशंकर, रामेश्वर,‎ औंढा नागनाथ, काशी विश्वनाथ,‎ त्र्यंबकेश्वर, केदारनाथ, घृष्णेश्वर ही‎ बारा ज्योतिर्लिंगे आहेत. याशिवाय‎ नेपाळमधील पशुपतिनाथ हे दोन्ही मिळून‎ एक ज्योतिर्लिंग असल्याचे त्यांनी या‎ वेळी सांगून मानवाला प्रकाश, तेज,‎ ज्ञान, प्रेरणा आणि चेतना देत राहणारी ही‎ बारा ज्योतिर्लिंग असून, संस्कृती व‎ एकात्मतेचे प्रतिक असल्याचे त्यांनी‎ सांगितले.

‎ दरम्यान कथा प्रांगणात सकाळी‎ सामूहिक पारायण व दुपारी विठ्ठल‎ रुक्मिणी भजनी मंडळ उमरी यांचा‎ भजनाचा कार्यक्रम झाला. आरतीत डॉ.‎ अशोक ओळबे, सतीश ढगे, मंगला‎ म्हैसने, मंडळाचे अध्यक्ष, माजी सैनिक‎ सुभाष म्हैसने, अन्नपुरणेश पाटील,‎ बुटोले, हरिभाऊ लाहोळे, शिवप्रकाश‎ गावंडे, ज्ञानदेव बदरखे, सरपंच दत्ता‎ ढोरे, भोजन यजमान संजय चिकटे,‎ गोपाल उजाडे आदींनी सहभाग घेतला. ६‎ एप्रिलला हनुमान जन्मोत्सवावर‎ महाप्रसाद समवेत कथेची भक्तिमय‎ पूर्णाहुती होत असून, याचा सर्वांनी लाभ‎ घेण्याचे आवाहन करण्यात आले.‎