स्वच्छ महाराष्ट्र अभियान नागरी अंतर्गत उपक्रम‎:घाटंजी पालिकानिर्मित खताला‎ हरित महासिटी कंपोस्ट ब्रांड‎

स्वच्छ महाराष्ट्र अभियान नागरी‎ अंतर्गत हरित महासिटी कंपोस्ट‎ वापरण्यास नगरपरिषद्वारे तयार‎ करण्यात आलेल्या कंपोस्ट खताला‎ हरित महासिटी कंपोस्ट ब्रांड देण्यात‎ आला आहे. राज्यातील शहरांमध्ये‎ घनकचरा व्यवस्थापन करताना‎ शहरात निर्माण होणाऱ्या विघटन‎ शील यावर प्रक्रिया करून तयार‎ होणाऱ्या सेंद्रिय खताची विपणन व‎ विक्री करण्यासाठी हरित महा सिटी‎ कंपोस्ट हा शासनाचा नोंदणीकृत‎ ब्रँड वापरण्याची काही अटी व‎ शर्तीच्या अधीन राहून परवानगी‎ देण्यात आली आहे.‎ विविध माध्यमाच्या आधारे‎ शहरात ओला व सुका कचरा‎ विलगीकरणाबाबत जनजागृती‎ करून संकलित केला जातो.‎

संकलित केलेला कचरा शहराच्या‎ बाहेर डम्पिंग यार्डवर विलगीकरण‎ करण्यात येते. ओल्या‎ कचऱ्यापासून कंपोस्ट खत तयार‎ केले जाते. तयार झालेले कंपोस्ट‎ खत शासनाच्या मानकानुसार उत्तम‎ दर्जाचे आहे. यामध्ये नगर परिषदेचे‎ मुख्याधिकारी अमोल माळकर‎ यांच्या मार्गदर्शनाखाली डम्पिंग यार्ड‎ वर विविध वेगवेगळे आधुनिक‎ उपक्रम राबवले जातात. उपलब्ध‎ रिकाम्या जागेत परसबाग तयार‎ करण्यात आली आहे. यामध्ये‎ कोथिंबीर, पालक, मेथी, टोमॅटो,‎ वांगे, शेपू इत्यादी पालेभाज्या‎ घेतल्या जातात. या सर्व आधुनिक‎ उपक्रमात आरोग्य व पाणीपुरवठा‎ अभियंता राजू घोडके, शहर‎ समन्वयक नवीन देशट्टीवार व नगर‎ परिषदेचे सर्व सफाई कर्मचारी यांचा‎ मोलाचा वाटा आहे. कंपोस्ट‎ खताच्या विक्री पासून शेतकऱ्यास‎ व नगरपालिकेस नक्कीच फायदा‎ होईल अशी अपेक्षा व्यक्त केली‎ जात आहे.‎