आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

विचार साफ करा‎:कारागृहातील कार्यक्रमात लक्ष्मीकांत खाबिया यांचे प्रतिपादन‎; संत गाडगे बाबांच्या खराट्याने‎ वाईट विचार साफ करा‎

अकोला‎2 दिवसांपूर्वी
  • कॉपी लिंक

गाडगेबाबा दिवसा आपल्या खराट्याने गाव ‎स्वच्छ करायचे आणि संध्याकाळी‎ आपल्या कीर्तनरूपी खराट्याने माणसाच्या ‎डोक्यातील वाईट विचार काढण्याचे काम ‎करायचे, जीवन कशा पद्धतीने जगावे याचे ‎मार्गदर्शन करायचे. बंदीजन हो येथून‎ जाताना संत गाडगेबाबा यांचा विचाररूपी ‎खराटा सोबत न्या, त्याने आपल्या‎ डोक्यातील वाईट विचार साफ करा, भजन ‎स्पर्धेच्या माध्यमातून चांगल्या विचारांशी‎ शक्ती सोबत न्या, असे आवाहन शरद‎ क्रीडा व सांस्कृतिक प्रतिष्ठानचे अध्यक्ष ‎लक्ष्मीकांत खाबिया यांनी केले.‎

शरद क्रीडा व सांस्कृतिक प्रतिष्ठानतर्फे ‎देशाच्या स्वातंत्र्याचा अमृत महोत्सव‎ आणि संस्थेच्या रौप्य महोत्सवाच्या‎ निमित्ताने राज्यातील सर्व कारागृहातील‎ बंदीजनांसाठी जगद्गुरू श्री संत तुकाराम‎ महाराज राज्यस्तरीय अभंग व भजन‎ स्पर्धेचे आयोजन करण्यात आले होते.‎ अकोला कारागृहातील बंदीजनांनी स्पर्धेत‎ सहभाग नोंदवत ‘अबीर गुलाल’‘तुझा‎ माझा देवा’,‘नको देवराया अंत आता‎ पाहू’,आणि स्वरचित ‘कथा जीवनाची‎ मी सांगायला आलो’या रचना सादर‎ केल्या. त्यावेळी खाबिया यांनी‎ बंदीजनांशी संवाद साधला.

याप्रसंगी‎ कारागृह अधीक्षक सुभाष निर्मळ, वरिष्ठ‎ तुरंग अधिकारी ज्ञानेश्वर पाटील, तुरुंग‎ अधिकारी महेश जोशी, डॉ. रवींद्र आर्य,‎ शरद क्रीडा आणि सांस्कृतिक प्रतिष्ठानचे‎ अध्यक्ष आणि स्पर्धा प्रमुख लक्ष्मीकांत‎ खाबिया, उपाध्यक्ष नंदकुमार बंड, हभप‎ अच्युत महाराज कुलकर्णी, ज्ञानेश्वर‎ शिंदे, विश्वस्त विवेक थिटे, संजय‎ मिसाळ, शंकर धुमाळ, संगीत शिक्षक‎ पद्माकर मोरे, प्रतिष्ठानचे अकोला जिल्हा‎ अध्यक्ष शिवराज गावंडे, बुलडाणा‎ जिल्हाध्यक्ष हरिदास आखरे, नलिनी‎ गावंडे, विशाल बोरे, आरजे गौरव, माधव‎ भगत यांची उपस्थिती होती. श्याम राऊत‎ यांनी आभार मानले.‎

विजेत्यांना महाकरंडक आणि प्रमाणपत्र‎ महाअंतिम फेरीत प्रथम क्रमांक पटकावणाऱ्या संघास‎ ज्ञानोबा-तुकाराम महाकरंडक आणि प्रमाणपत्र, द्वितीय‎ क्रमांकास राष्ट्रसंत तुकडोजी महाराज महाकरंडक‎ आणि प्रमाणपत्र तर तृतीय क्रमांकास संत शेख महंमद‎ महाकरंडक आणि प्रमाणपत्र देण्यात येणार आहे.‎ स्पर्धकांना आणि स्पर्धक संघांना सहभाग प्रमाणपत्र‎ देण्यात येणार आहे.‎ ही अध्यात्माची ताकद‎ गेल्या एक महिन्यापासून भजन‎ आणि अभंगाच्या सरावामुळे‎ बंदीवानांच्या वागण्यात,‎ बोलण्यात फरक जाणवत आहे.‎ हीच अध्यात्मामध्ये ताकद आहे.‎ - सुभाष निर्मळ, अधीक्षक,‎ अकोला कारागृह.‎

स्व. कमलाबाई रसिकलाल धारीवाल यांच्या स्मरणार्थ साहित्य भेट‎ स्पर्धेत सहभागी झाल्याबद्दल कारागृहातील संघाला दिना आणि प्रकाश धारीवाल यांच्या‎ वतीने स्व. कमलाबाई रसिकलाल धारीवाल यांच्या स्मरणार्थ हार्मोनियम, तबला,‎ पखवाज, १० जोडी टाळ, तुकोबांच्या अभंगाची पाच फूट बाय पाच फूट आकाराची फेम व‎ प्रबोधनात्मक तसेच प्रेरणादायी ८२ पुस्तकांचा संच देण्यात आला.‎

बातम्या आणखी आहेत...