दिनविशेष:तोंडाची नियमित स्वच्छता‎ राखा; मौखिक आरोग्य जपा‎; डॉ. दिनेश नैताम यांचे आवाहन‎

व्यक्तीच्या आरोग्यपूर्ण जीवनामध्ये मौखिक‎ आरोग्याचा वाटा अत्यंत मोलाचा आहे. मात्र‎ अनेकजण तोंडाची स्वच्छता आणि आरोग्याकडे‎ दुर्लक्ष करतात. यातून विविध तक्रारी आणि आजार‎ समोर येतात. ते उद्भवू नये, यासाठी शासकीय‎ वैद्यकीय महाविद्यालय व सर्वोपचार रुग्णालयातील‎ दंतरोगशास्त्र विभागाच्या वतीने आजच्या मौखिक‎ आरोग्य दिवसाचे निमित्त साधत मार्गदर्शक बाबी‎ सुचवल्या आहेत.‎

मौखिक आरोग्य दिनानिमित्त मुंबई येथील‎ वैद्यकीय शिक्षण व संशोधन यांनी स्वच्छ मुख‎ अभियान सुरू केले आहे. त्यामाध्यमातून‎ जनजागृती करण्यात येते. ‘जीएमसी’मधील‎ तज्ज्ञांच्या मते, दात, हिरड्या, जिभेच्या स्वच्छतेकडे अनेकजण दुर्लक्ष करतात.‎ त्यामुळे विविध स्वरुपाचे आजार उद्भवतात. कधी या‎ आजारांचे स्वरुप गंभीर असते. त्यामुळे मुखाच्या‎ स्वच्छतेची काळजी घेणे आवश्यक आहे.‎

ब्रश आणि पेस्टबाबत
- फ्लोराइडयुक्त टूथपेस्ट आणि‎ नरम केसांचा ब्रश वापरा - ब्रश दातांसमोर नीट धरा व‎ कमी अंतरात पुढे-मागे घासा. दातांचे चर्वण पृष्ठभाग‎ तसेच जीभही घासा. - दाबाने दात घासू नका अन्यथा‎ हिरड्यांना इजा होईल.

याकडेही द्या लक्ष
- दर तीन चे चार महिन्यांनी नवीन टूथब्रश घ्या. - नरम‎ केसांचा ब्रश वापरा. - प्रत्येक जेवणानंतर खळखळून चूळ‎ भरा. - तोंड कोरडे पडू लागल्यास लाळेचे प्रमाण‎ वाढवण्यासाठी बिनसाखरेचे च्युइंगम चघळा. - स्नायूंना‎ व्यायाम घडवण्यासाठी कडक व दाणेदार पदार्थ खा. -‎ मद्यार्कविरहित माउथवॉशचाच वापर करा. - जीभ स्वच्छ‍‎ आहे, याची खात्री करण्यासाठी टंग क्लीनर वापरा.‎

तोंडाची स्वच्छता महत्वाची‎
दात, हिरड्या, जीभ अर्थात मुखाचे आरोग्य एकूण‎ आरोग्यात महत्त्वाचे असते‎ त्यामुळे तोंडाची स्वच्छता‎ राखली जाणे आवश्यक आहे.‎त्यासाठी नियमित दोनवेळा ब्रश‎करण्याची सवय लाऊन घ्यावी.‎दाताचे दुखणे, जीभ, हिरड्यांच्या ‎तक्रारी किंवा दुखणे अंगावर न‎ काढता तत्काळ वैद्यकीय तज्ज्ञांच्या सल्ल्याने‎ उपचार घेणे आवश्यक आहे. वेळेवर उपचार न‎ घेतल्यास साध्या तक्रारीही गंभीर होतात.‎ - प्रा. डॉ. दिनेश नैताम, विभागप्रमुख,‎ दंतरोगशास्त्र विभाग, जीएमसी, अकोला.‎