परिचय मेळावा‎:बार्शीटाकळीमध्ये माळी समाजाचा परिचय मेळावा‎

बार्शीटाकळी येथील खोलेश्वर संस्थानच्या‎ प्रांगणात नुकताच सर्व शाखीय माळी‎ समाजातील युवक-युवतींचा परिचय‎ मेळावा झाला. या मेळाव्याला समाज‎ बांधवांची मोठ्या संख्येने उपस्थिती होती.‎ सर्व शाखीय माळी समाजातील‎ सुशिक्षित, अल्पशिक्षित, शेतकरी,‎ शेतमजूर, कामगार व व्यावसायिक‎ युवक-युवतींचा परिचय मेळावा आयोजित‎ केला होता. आजकाल प्रत्येक पालकांना‎ नोकरीवाला मुलगा जावाई म्हणून मिळावा‎ अशी अपेक्षा असते. लग्न म्हटले की,‎ नोकरी व बागायती शेतजमीन असलेल्या‎ मुलांना पहिली पसंती दिली जाते. त्यामुळे‎ आजच्या स्थितीत अल्पभूधारक,‎ अल्पशिक्षित, कामगार व शेतमजूर‎‎‎‎‎‎‎‎‎‎‎‎‎‎ असलेल्या मुलांना विवाहासाठी प्रतीक्षा‎ करावी लागते. नेमका हाच धागा पकडून‎ बार्शीटाकळी तालुक्यातील माळी‎ समाजातील काही समाजबांधवांनी एकत्रित‎ येऊन अल्पभूधारक, अल्पशिक्षित,‎‎‎‎‎‎‎‎‎‎‎‎‎‎ शेतमजूर, कामगार व व्यावसायिक युवक-‎ युवतीचा परिचय मेळावा आयोजित केला.‎

या मेळाव्यात तब्बल १२१० युवक- युवतींनी‎ सहभाग नोंदवला. अकोला, बुलडाणा,‎ वाशीमसह इतरही जिल्हे व मध्य प्रदेश,‎ छत्तीसगढ राज्यातून युवक-युवतींचा‎ परिचय मेळाव्यात सहभाग होता.‎ मेळाव्याला आ. हरीश पिंपळे, राष्ट्रवादीचे‎ सम्राट डोंगरदिवे, जि. प. अध्यक्षा संगीता‎ अढाऊ, माजी आमदार तुकाराम बिडकर,‎ माजी आमदार बळीराम सिरस्कार,‎ अनुसयाबाई राऊत (जि. प. सदस्या),‎ गजानन मानतकर, डॉ. गणेश बोबडे, माया‎ इरतकर, डॉ. संतोष हुसे, सुभाष सातव,‎ जयंत मसने, नितीन देऊळकर, उमेश मसने,‎ मनीष हिवराळे, खंडारे, मीना राऊत (न. पं.‎ सभापती), रामराव भोपळे, केशव राऊत,‎ भारत बोबडे, रमेश वाटमारे, श्याम ठक,‎ संजय वाट, दीपक सदाफळे, श्रीराम‎ येळवनकार, राहुल राऊत, विनोद‎ शेवलकार आदींची यावेळी उपस्थिती होती.‎ या मेळाव्याला, खोलेश्वर संस्थानच्या‎ विश्वस्त मंडळीचे सहकार्य लाभले.‎