सत्कार:संकल्प मित्र परिवाराच्या वतीने‎ सामाजिक कार्यकर्त्यांचा सत्कार‎

समाजाच्या व्यथा आपल्या समजून‎ सुंदर सामाजिक जग निर्माण‎ करणाऱ्या व्यक्ती व संस्थाचा सन्मान‎ श्री संकल्प मित्र परिवाराच्या वतीने‎ अकोला शहरात सत्कर करण्यात‎ आला. या सोहळ्याच्या‎ अध्यक्षस्थानी ज्येष्ठ साहित्यिक सुरेश‎ पाचकवडे हाेते तर प्रमुख अतिथी‎ म्हणून आरोग्य उपसंचालक‎ तरंगतुषार वारे, भरत शाह यांची‎ उपस्थिती होती.‎ या संदर्भात देण्यात‎ आलेल्या माहितीनुसार‎ वर्षंभर विविध सामाजिक उपक्रम‎ राबवून सामाजिक दायित्व पूर्ण‎ करणारा संकल्प मित्रपरिवार सात‎ वर्षांपासून सेवाव्रत जोपासत आहे.

‎ त्यासोबतच समाजातील विविध‎ क्षेत्रात प्रामाणिक कार्य करणाऱ्या‎ समाजसेवकांचा सन्मान करीत‎ असते. या वर्षी समाजसेवक मनीष‎ हिवराळे, वृक्षमित्र शनमुगा नाथन,‎ वन्यजीव व पर्यावरण सेवक यादव‎ तरटे, रक्तदानाचे कार्य करणारे श्री‎ छत्रपती प्रतिष्ठान, प्राण्यांची सेवा‎ करणारा एम. पी. सी. ए. ग्रुप अकोला‎ यांना सन्मानचिन्ह व शाल श्रीफळ‎ देऊन मान्यवरांचे हस्ते सन्मानित‎ करण्यात आले. प्रास्ताविक अश्विनी‎ नारे, संचालन विजेंद्र वरोकार,‎ आभार प्रदर्शन रुपाली धोत्रे यांनी‎ केले. कार्यक्रम यशस्वी करण्याकरता‎ अमोल पाचकवडे, मनीष गावंडे,‎ मनीष कलोरे, वीरेंद्र सपकाळ,‎ शशांक धुळे, शुभम पाचकवडे, यश‎ आसरे यांचे मोलाचे सहकार्य लाभले.‎

पक्षी पाणी पात्र भेट :‎ कार्यक्रमाला उपस्थित सर्व‎ निमंत्रितांना उन्हाळ्यात पक्ष्यांच्या‎ पाणी पिण्याची व्यवस्था करण्याचे‎ आवाहन करून संकल्प प्रतिष्ठान‎ कडून मातीचे पक्षी पाणी पात्र भेट‎ देण्यात आले. अकोला हे अती तप्त‎ शहर म्हणून जगात ओळखले जाते.‎ ही ओळख मोडीत काढण्यासाठी‎ वृक्षमित्र नाथन यांच्या आवाहनाला‎ प्रतिसाद देत पावसाळ्यात ११ हजार‎ वृक्षारोपण करण्याचा निर्धार संकल्प‎ प्रतिष्ठानने केला, अशी माहिती श्री‎ संकल्प मित्र परिवाराच्या वतीने एका‎ प्रसिद्धी पत्रकाद्वारे कळवण्यात आली‎ आहे.‎